Hmar National Union (HNU), Assam Ṭhuoitu thar han charge lâkna an nei

Hmarkhawlien, December 10, 2018, Virthli (ONP): November 30, 2018 nia Hmar Inpui Barak Valley Region (HIBVR) keihruoina hnuoia Ngaibanramthar khuo, Cachar ah Hmar National Union (HNU), Assam Ṭhuoitu (2018-2021) ding thlangtling hai chun vawisun Charge lakna HIBVR hrietpuinain an nei thu Oliver S. Khawbung, Info. & Pub. Secy, HIBVR chun a hril

Hi charge lakna hi Hmarkhawlien VC Office, Good Morning Bazar ah nei ani a, Pu Lalthomlien Hmar, President HIBVR in infuina thucha hai hrilna neiin an office inṭanna ding tiin cheng 1000 an hlan. Pu Vanlanlien Pulamte, President HNU Assam in charge lâkna a nei zovin lawmthu hrilna le HNU Assam hmalak dan ding hai hrilna a nei a. An hmatieng, karkhat sûng ngeiah HNU Assam Executive Members dinghai khawm siemfelna an nei ding thu hrilna neiin; Hmar Inpui BVR hai leh inthlawp tlata hnam ta dinga hma an lâk ding thu hai hril.

Oath taking ceremony le charge inhlanna nei ani zoin Pu Lalthomlien Hmar in HNU Assam Ṭhuoitu tharhai ṭawngṭai pekna le lawmthu hrilna neiin hun suktawp a nih.
HNU Assam kum 2018-2021 sunga Ṭhuoitu ding hai chu a hnuoia hai hi an nih;

1. President: Pu Vanlallien Pulamte 
2. Vice President: Pu Rokhumlien Parate 
3. Gen. Secretary: Pu Fimronghet Hmar 
4. Asst. Gen. Secy.: Pi Lalbiekmawi Hmar 
5. Fin. Secretary: Pu Hranga Hmar         
6. Treasurer: Pu Lalhmuoklien Hmar