~ Jami Darngawn
Christmas hi nikhuo ka hriet chin a'nthawka kum tin ka hmang dan a dang pei chu a nih a, ka naupang lai chun Christmas tawm zatin ka Nu le Pa kuoma zakuo thar insek takin ka hni hlak a, phulalen zakuo fuol an mi chawk pek chun chu Christmas hmang anhawi em em hlak a ni khatie !
Ka hung nunghak ve huna chun Christmas ka hmang nuom dan a lo dang nawk a. Nupui ka hungni hnung kum 15 vel liem tah a chun Christmas ding tawm zatin ka buoina hi a lo dang em em tah a nih.
Christmas ding zat hin chu a tuel khawm ei buoi rak rak tawl ka ring a, a ṭhen chu zakuo thar buoiin buoi ei ta, a ṭhen chu nauhai lekha inchukna ding pawisa buoiin buoi ei ta, a ṭhen chu ngaizawng buoiin buoi bawk ei ta. Etc.
A iengkhawm lo nisien khawlam Christmas i hmang ding ? Ti chu a nih.
Nikhat lai khan mi pakhat chun "Christmas sermon hung ziek rawh aw? " tiin a thupui leh a mi pek dim a, a thupui mi pek chu ka hang ngaituoa kei Bible inchuklo le thiemna/nina nei lo hin nuoma hang zieksuok el chu harsa ka ti deu leiin ka hnawl tah a nih. Chuonga ka hnawl el lai chun ka lungrila chieng em emin "lnchuk dawkhai kha ziek rawh" tia mi hriltu um angin ka uma chu chu Lalpa ropuina dingin ka hung suklang lem ding a nih.
Awleh, ka hril ta rawp angin ka nau lutir chu Biekin inkhawmpui thei lo ani lei le, thil dang danga ṭhangpui a ngai hlak leiin kum 15 vel chu Christmas tawm zatin mi umpui/ṭhangpuitu ding buoiin ka buoi ta hlak a, asan chu nau nunghak fel deu deu Lalpa'n mi ṭhangpuitu ding A mi pek hlak a, amiruokchu Christmas hmang dingin an in tieng an min lawisan a ṭul hlak lei a nih.
Vawikhat chu (Kum 2011 niin ka hriet) kan nunghak haiin an in tieng Christmas hmang dinga an mi maksan ding leiin mi ṭhangpuitu bova Christmas hang hmang chu ka ta dingin a harsat em leiin Lalpa kuoma bungheiin ka ṭawngṭai tah a, ka thupui chu "Lalpa mi ṭhangpuitu dinga I mi pek haiin an mi umpui zing thei nawh a, Nang ruokchun mi umpui zing rawh aw ?" Tiin ni 10 bungheiin ka hni a, a ni 5 ni char 22 Dec, 2011 chun mak takin Lalpa Vântirko ka kuoma a hung inlar tah a nih.
Lalpa Vântirko ka kuoma a hung inlar dan chanchin hi a kip, a kawia ziek ding chun a sei taluo ding ani leiin a tawi zawngin ei hung suklang ding a nih.
Lalpa Vântirko chu kei chun ka mit-in ka hmu thei naw a chu Naupang pakhat kuoma hung inlarin naupangnu chun a hmu thei a nih. Ka naupang lai a'nthawka ka um dan hai le, ka naulutir ngei khawm Lalpa'n a ditdan ang taka A ropuina dinga A mi pek a ni ziet thu dam, Lalpa'n a mi umpui zinga ka lungrila thu chieng em ema hung umhai chu Aman ami hril hlak a ni ziet dam, ka rawngbawlna hai dam kha ka lo insit em em hlaka chu Lalpa'n A rawngbawltua a mi pawm ziet dam, chuonglai chun inruithei sala intanghai laia ka thei tawka rawngbawl ka nih a, Lalpa ditdana ka thawpei a ni chun Lalpa'n mal a mi sawmpei ding thu dam, thuruk mak tak tak hril dawk thei lo chi le, ka hmatieng peia ka um dan ding hai dam a mi hrila ropui ka tiin ka ta ding chun inchik tlak a va ni ngei de !
Immanuel, Pathien ei kuoma a um ti chu ei hriet seng ring a uma, khawlai hmuna um inla khawm Lalpa'n Ami umpui zinga, Ami biek zing a nih. Ei mihriem mit-in hmu thei naw inla khawm Lalpa Thlarau Thienghlim chun iengtik lai khawm Ami umpui zing leiin harsatna chi dang dangin mi tuom vel hlak sienkhawm lungngaia thlaphang el ding ei ni naw a nih.
Christmas sermon ziek dinga mi titu chanchin chiengtaka ka hang hriet chun ka hnukin a mi ul rak chuten am, hmel inhmulo mobile phone a'nthawka kan biekpui, amiruokchu inringzo em ema kan inbiekpui thei nasan kha Lalpa zar chauh a nih.
Ka naupa leia Christmas khawm nuom anga milai ka ṭhangtheinaw hlak thu ka hril mawl mawl lai chun, kan biekpuipa khawm chun rawl insang lo deu chun "Kei khawm kum 15 lai chu Christmas Biekin ah ka hmang thei ta lem!" Tia a mi hril khan ka lung an phudut a, mak ti tak chun ka um a, a hang hril peina a chun tlangval kum 20 vel a ni lai khan football an petna a chun vangduoithlak takin a lo changsuol pal leiin a kawng a'nthawk a hnuoitiengpo chu a chang thei ta naw leiin tuol suok thei lovin in ah a um el a lo nih a, tlangval kum 35 mi chu naupangte nek khawma naupang lem anga a zuk um el kha ka hrietin ka lunginsiet em ema 'ka chansietna popo ka thei nghil pha hiel a nih' ti thei a nih.
Atawp tak a dingin :
Vanlalnau Ran bupekna thlenga tlawmtaka a hung piengchampha lawm dingin ieng am i pawimaw tak le?
Khawlai hmun am i hmang tum aw? Natna khum (Hospital) ah i lo hmang khawm a ni thei ie, lungin (Jail) a khawm i lo hmang a ni thei ie, an naw khawma thawlawm ding, ruoi man ding pawisa thaw thei naw leia in a sa fa phak lova i lo um/hmang khawm a ni thei ie, zakuo thar i dit ang i nei thei naw leia mi laia um inhawi naw ti deua um khawm i ni thei ie, thi na'n a mi ṭhe leia sungkuo kima ei hmang thei naw ding leia hlim lo taka i um khawm a ni thei ie, etc.
Iengpo khawm lo nisien chuonghai popo leia Christmas hmang ding i lo huphur/buoina popo kha Lalpa lsu hmingin lo bo vawng vawng sien la, Lalpa Pathien Thlarau Thienghlim chun umpui/chenchil mawl raw sen che !
Matthai 1:
23 “Ngai ta, nunghâk thienghlim chun nau vawn a ta, Naupasal nei a ta, a hmingah Immanuel sak an tih,” Immanuel chu “Ei kuomah Pathien a um,” tina a nih.
LALPA THLARAU THIENGHLIM LEH CHRISTMAS HMANG DINGIN KA DITSAKNA KAN HLAN CHE!
Christmas hi nikhuo ka hriet chin a'nthawka kum tin ka hmang dan a dang pei chu a nih a, ka naupang lai chun Christmas tawm zatin ka Nu le Pa kuoma zakuo thar insek takin ka hni hlak a, phulalen zakuo fuol an mi chawk pek chun chu Christmas hmang anhawi em em hlak a ni khatie !
Ka hung nunghak ve huna chun Christmas ka hmang nuom dan a lo dang nawk a. Nupui ka hungni hnung kum 15 vel liem tah a chun Christmas ding tawm zatin ka buoina hi a lo dang em em tah a nih.
Christmas ding zat hin chu a tuel khawm ei buoi rak rak tawl ka ring a, a ṭhen chu zakuo thar buoiin buoi ei ta, a ṭhen chu nauhai lekha inchukna ding pawisa buoiin buoi ei ta, a ṭhen chu ngaizawng buoiin buoi bawk ei ta. Etc.
A iengkhawm lo nisien khawlam Christmas i hmang ding ? Ti chu a nih.
Nikhat lai khan mi pakhat chun "Christmas sermon hung ziek rawh aw? " tiin a thupui leh a mi pek dim a, a thupui mi pek chu ka hang ngaituoa kei Bible inchuklo le thiemna/nina nei lo hin nuoma hang zieksuok el chu harsa ka ti deu leiin ka hnawl tah a nih. Chuonga ka hnawl el lai chun ka lungrila chieng em emin "lnchuk dawkhai kha ziek rawh" tia mi hriltu um angin ka uma chu chu Lalpa ropuina dingin ka hung suklang lem ding a nih.
Awleh, ka hril ta rawp angin ka nau lutir chu Biekin inkhawmpui thei lo ani lei le, thil dang danga ṭhangpui a ngai hlak leiin kum 15 vel chu Christmas tawm zatin mi umpui/ṭhangpuitu ding buoiin ka buoi ta hlak a, asan chu nau nunghak fel deu deu Lalpa'n mi ṭhangpuitu ding A mi pek hlak a, amiruokchu Christmas hmang dingin an in tieng an min lawisan a ṭul hlak lei a nih.
Vawikhat chu (Kum 2011 niin ka hriet) kan nunghak haiin an in tieng Christmas hmang dinga an mi maksan ding leiin mi ṭhangpuitu bova Christmas hang hmang chu ka ta dingin a harsat em leiin Lalpa kuoma bungheiin ka ṭawngṭai tah a, ka thupui chu "Lalpa mi ṭhangpuitu dinga I mi pek haiin an mi umpui zing thei nawh a, Nang ruokchun mi umpui zing rawh aw ?" Tiin ni 10 bungheiin ka hni a, a ni 5 ni char 22 Dec, 2011 chun mak takin Lalpa Vântirko ka kuoma a hung inlar tah a nih.
Lalpa Vântirko ka kuoma a hung inlar dan chanchin hi a kip, a kawia ziek ding chun a sei taluo ding ani leiin a tawi zawngin ei hung suklang ding a nih.
Lalpa Vântirko chu kei chun ka mit-in ka hmu thei naw a chu Naupang pakhat kuoma hung inlarin naupangnu chun a hmu thei a nih. Ka naupang lai a'nthawka ka um dan hai le, ka naulutir ngei khawm Lalpa'n a ditdan ang taka A ropuina dinga A mi pek a ni ziet thu dam, Lalpa'n a mi umpui zinga ka lungrila thu chieng em ema hung umhai chu Aman ami hril hlak a ni ziet dam, ka rawngbawlna hai dam kha ka lo insit em em hlaka chu Lalpa'n A rawngbawltua a mi pawm ziet dam, chuonglai chun inruithei sala intanghai laia ka thei tawka rawngbawl ka nih a, Lalpa ditdana ka thawpei a ni chun Lalpa'n mal a mi sawmpei ding thu dam, thuruk mak tak tak hril dawk thei lo chi le, ka hmatieng peia ka um dan ding hai dam a mi hrila ropui ka tiin ka ta ding chun inchik tlak a va ni ngei de !
Immanuel, Pathien ei kuoma a um ti chu ei hriet seng ring a uma, khawlai hmuna um inla khawm Lalpa'n Ami umpui zinga, Ami biek zing a nih. Ei mihriem mit-in hmu thei naw inla khawm Lalpa Thlarau Thienghlim chun iengtik lai khawm Ami umpui zing leiin harsatna chi dang dangin mi tuom vel hlak sienkhawm lungngaia thlaphang el ding ei ni naw a nih.
Christmas sermon ziek dinga mi titu chanchin chiengtaka ka hang hriet chun ka hnukin a mi ul rak chuten am, hmel inhmulo mobile phone a'nthawka kan biekpui, amiruokchu inringzo em ema kan inbiekpui thei nasan kha Lalpa zar chauh a nih.
Ka naupa leia Christmas khawm nuom anga milai ka ṭhangtheinaw hlak thu ka hril mawl mawl lai chun, kan biekpuipa khawm chun rawl insang lo deu chun "Kei khawm kum 15 lai chu Christmas Biekin ah ka hmang thei ta lem!" Tia a mi hril khan ka lung an phudut a, mak ti tak chun ka um a, a hang hril peina a chun tlangval kum 20 vel a ni lai khan football an petna a chun vangduoithlak takin a lo changsuol pal leiin a kawng a'nthawk a hnuoitiengpo chu a chang thei ta naw leiin tuol suok thei lovin in ah a um el a lo nih a, tlangval kum 35 mi chu naupangte nek khawma naupang lem anga a zuk um el kha ka hrietin ka lunginsiet em ema 'ka chansietna popo ka thei nghil pha hiel a nih' ti thei a nih.
Atawp tak a dingin :
Vanlalnau Ran bupekna thlenga tlawmtaka a hung piengchampha lawm dingin ieng am i pawimaw tak le?
Khawlai hmun am i hmang tum aw? Natna khum (Hospital) ah i lo hmang khawm a ni thei ie, lungin (Jail) a khawm i lo hmang a ni thei ie, an naw khawma thawlawm ding, ruoi man ding pawisa thaw thei naw leia in a sa fa phak lova i lo um/hmang khawm a ni thei ie, zakuo thar i dit ang i nei thei naw leia mi laia um inhawi naw ti deua um khawm i ni thei ie, thi na'n a mi ṭhe leia sungkuo kima ei hmang thei naw ding leia hlim lo taka i um khawm a ni thei ie, etc.
Iengpo khawm lo nisien chuonghai popo leia Christmas hmang ding i lo huphur/buoina popo kha Lalpa lsu hmingin lo bo vawng vawng sien la, Lalpa Pathien Thlarau Thienghlim chun umpui/chenchil mawl raw sen che !
Matthai 1:
23 “Ngai ta, nunghâk thienghlim chun nau vawn a ta, Naupasal nei a ta, a hmingah Immanuel sak an tih,” Immanuel chu “Ei kuomah Pathien a um,” tina a nih.
LALPA THLARAU THIENGHLIM LEH CHRISTMAS HMANG DINGIN KA DITSAKNA KAN HLAN CHE!
