Responsive Ad Slot

Tuivai Leilak chungchanga Joint meeting nei ding

Friday, November 9, 2018

/ Posted by Simon L Infimate
Sakawrdai, November 09, 2018, Virthli (ONP): HSA Hmarram JHQ chun liemtah November 5, 2018 khan Hmarkhawpui (Sipuikawn) le Luoksuo inkara Manipur le Mizoram infepawna "Tuivai Leilak" chu a hmun ngeia fein an zu en a, mihriem hraw dingin a derdep ta hle in an zu hmu a nih. Hi leilak a derthawng thu hi WhatsApp group le Facebook group haia thawndar a ni a, ram hmangai lo hmutu thahnemngai iemanizat hai chun inphal le inhawng takin sum an thawlawm a, chu intlingkhawm hai chu hmangin Civil Society le NGO's Hmarram sunga mihai chun Work Campaign neiin Leilak siemthat ding hin an inbuotsai mek a nih.


HSA Hmarram JHQ chun Mizoram tieng le infepawna hi neka thaa a um theina dingin tiin Mizoram tienga ei unauhai leh inrawntlangna hun nei dingin hung tlung ding tarik 12 November, 2018 hin Sakawrdai khuo ah a ko tah a nih. Hi inrawntlangna huna ding hin Sakawrdai YMA Joint, Vengpui, Simveng, Hmarveng, YMA Vervek Branch, YMA Vaitin Branch, YMA Khawpuor Branch, HSA Sakawrdai, SHC thuoitu, HSA Mizoram, VC Sakawrdai, VC Vervek, VC Khawpuor le a dang dang hai fiel an nih.

Hi inrawntlangna huna hin Tuivai leilak chungchang bakah NEC Road le Tuiruong (Barak River) Inland Waterway chungthu hai hriltlangna neia hma laktlang dan ding hai ngaituo tum a nih.
Don't Miss
© all rights reserved
made with by Simon L Infimate