Responsive Ad Slot

Parbung khuo suok po po lawmthu hril tawngtai rawt

Friday, November 9, 2018

/ Published by Simon L Infimate
CCPur, November 09, 2018, Virthli (ONP): Zinga dar 11:00AM hin NPT Prayer Mountain, Muolvaipheiah Parbung khuo suok hai chun Pathien kuoma lawmthu hril tawngtai an rawt. Tukum sung Pathienin Parbung khuo taksa le thlarauah mal nasa taka a sawmna le inzawmin tawngtai a lawmthu hrilna le Pathien thuah sharing na hai nei tuma an rawt a nih.  Hi taka thang ding hin abikin Imphal le CCpur phairuoma Parbung mi inti taphawt Pathien hmingin an fiel tak meu a nih. Tawngtaina hun hi session 2 in the ning a ta, Session khatna le session hnina hi Upa Zama le Pu Lalthasang Nungate han keihruoi an ta, hun kar lakah Pathien thua sharing nei nuomhai ta dingin hun hawng ni bawk a tih. Lawmthu hril tawngtai bakah hma tienga kalchawi pei dan ding, Parbung khuo ta ding,c campers hai ta ding, hnam ta ding le mimal ta dingin tawngtai ruolna um a ta, tawngtaina subject ding hai chu a hmunah puonglang pei ning a tih. Chun,  hi huna hin tawngtaia san ngai mimalin tawngtaina subject dinga an hung thursuok hai khawm belsa pei ning a tih. Hi huna thang dingin a nuom ta phawt, Parbung mi kher lo khawm Pathien hmingin an fiel a nih.


Don't Miss
© all rights reserved
made with by Simon L Infimate