Aizawl, November 11, 2018, Virthli (ONP): Mizoram Assembly Election ding chu boruok a lum hlat hlat ta hle. Chanchin dang dang hrietnuomum tam tak a uma, hienghai laia dangdai bik deu el, khawvel hmundang a khawm hriet ding vang tak el, a ruola sungkuo pakhat anthawka 3 zet inthlangnaa ngir tum Rev. Dr. Zaichhawna Hlawndo hai sungkuo hi a nih. Rev. Dr. Zaichhawna Hlawndo hai sungkuo hi Zoram siem tha dinga Pathienin an hriettir le kona hmua Pathien thangsan a party system kal le siemthat tum an nih. An pawl hming hi Zoram Thar ti ani a, tuta election um ding a hin Candidate 24 lai an ngir tum a nih. Rev. Dr. Zaichhawna Hlawndo hi biel pahni- Serchhip leh Aizawl West-I ah ngir a tuma, chun a nau nunghak pahni hai khawm Biel pahni ah ngir ve ve an tum a nih. A nau nunghak upa lem Nk. Lalhrilzeli Hlawndo hi Aizawl North-II le Lengteng ah ngir a tuma, chun a naupang lem Nk. Lalruatfeli Hlawndo chu Aizawl North-I le Tuikum a ngir a tum a nih.
Rev. Dr. Zaichhawna Hlawndo hai hi UK a rawngbawla um an ni a, a naunu Nk. Lalhrilzeli Hlawndo hi BD zo, Hair dressing thaw ani a, Nk. Lalruatfeli Hlawndo hi College pakhata Admissions and Maketing Officer le Pastor sin lo thaw hlak a nih. Mizoram siem tha dinga Pathien kona an hmu leiin UK a an sin, in le lo hai maksanin kum 2016 khan Mizoram ah an hung kir nawk a nih.
Rev. Dr. Zaichhawna Hlawndo hai hi UK a rawngbawla um an ni a, a naunu Nk. Lalhrilzeli Hlawndo hi BD zo, Hair dressing thaw ani a, Nk. Lalruatfeli Hlawndo hi College pakhata Admissions and Maketing Officer le Pastor sin lo thaw hlak a nih. Mizoram siem tha dinga Pathien kona an hmu leiin UK a an sin, in le lo hai maksanin kum 2016 khan Mizoram ah an hung kir nawk a nih.
