Responsive Ad Slot

Inrawntlangna nei, Tuivai Leilak siemthatna sin thaw tum

Monday, November 12, 2018

/ Posted by Simon L Infimate
Sakawrdai, November 11 2018, Virthli (ONP): Vawisun khan HSA Hmarram JHQ a Pu Lalroutlien Hmar, Secy. Info & Public Relations chun HSA Sinlung JHQ, YMA Tuisual Group le a biel huongsunga YMA Branch 4 le HSA Sawkawrdai Unit hai leh Tuivai Leilak (Sipuikawn le Luoksuo inkara) siemthatna ding thuah inrawntlangin an inthungkhawm. Hi hun ahin, Mizoram Tuisual Group YMA le HSA Sinlung JHQ hai chun hieng ang rawtna siema um hi an lawmthu le hi Work Camping ahin an hung thang ve ngei ding thu an hril. Work Camping na dinga mimal thahnemngai inhawng tak le inphal taka thawlawm petuhai chungah an lawmthu an hril tawp thei nawh. Tu chena thawlawm hi Rs. 60000/- chuong met an tlingkhawm tah thu hai an hrietin ropui an ti tak zet a nih. Work Camping hi tum dan chun an hnu takah, 1st December, 2018 a huoihawt dinga ngaituo a nih.


Hiengang bawk hin, Hmarram sunga HSA, TADA, HYA, VAs, HWA le a dang dang hai le khawm inrawntlangin hi thil hi puithu taka phuorsuok dingin an inpuocha mek bawk a nih. Hi Work Camping a thang dinghai chu tlawmngaia tha le zung seng dinga inhuomin hi thilthathawna ahin kal pen suok an tih.

Hi thu le inzawm hin mimal tuelkhawin Political Party, MLA le hnam thila thukeuzawm thawhai chu a thawtuhai ngaidan ning an tih tiin HSA Hmarram JHQ chun inhriettirna a siem.(input: Lalruotlien Hmar)
Don't Miss
© all rights reserved
made with by Simon L Infimate