Responsive Ad Slot

HSA Founder President Upa HL Daka Thi Champha Vawi- 8na

Sunday, November 11, 2018

/ Posted by Simon L Infimate
Vawisun November 11, 2018 hi Hmar hnam sunga pawl lien le upa pawl tak Hmar Students' Association (HSA) Founder President Upa HL Daka thi champha vawi-8na a nih.

Upa HL Daka hi kum 1918 khan Parbung khuoah a pieng a, kum 1941 khan CC High School, Imphal ah Class-X a passed a, Gauhati University hnuoia inthawkin kum 1971 khan BA a zo a nih. 1937 lai khan Manipur-a zo hnathlakhai po po inlawikhawmna ding beisei leiin Kuki Youth Organisation (KYO) indin a nih a. Sienkhawm, a hminga chun Hmar nu-le-pa le inchuklaihai an hmin thei zan naw leiin HL Daka chun DM College, Imphala a lekha inchukpui ruol iemanizat hai leh fekhawmin Tuithaphaia Ngurte khuo-ah October 3, 1939 khan inkhawmpui an hang nei a; chu chu HSA hung piengsuokna le inkhawmpui hmasatak a hung ni tah a nih. Chu pawla President hmasatak chu niin hun sawttak a chel a; kum 20 lai liem hnung a khawm, hi pawl hi thlathlam lovin hun iemanichen chu Secretary General mawphurna lain a la keihruoi a nih.


Sinthawna:

1936: Jaikhan, Vangai biel-ah Evangelist Teacher
1941: Inspector, NEIG Mission School
1941-1947: Indian Army ah a thang
1949: Co-operative Inspector, All Hill Areas, Govt of Manipur
1951: Headmaster, ME School, Churachandpur-ah, a hmasatak a nih.
1981: Vimala Raina High School, CCpur anthawk a retired.

Nina:

1939: Founder President, Hmar Students' Association
1947: Founder Member & 1st Chairman, Board of Directors, Hmar Trading Company.
1948: Secretary, Mizo Union
1948: Secretary, Zenhang Lamka VA
1951: Churachandpur-a High School puitling umna dinga nawrtu Secretary a nih.
I952: Secretary, Churachandpur Town Bazar Committee
1957-59: Chairman, Hmar Literature Society
1976: Founder Member, Lamka College
1986 -92: Chairman, Manmasi Welfare Society
1970: Kohran Upa ordained
1969 -2000: Chairman, Local Committee, Lamka ICI
1979 -94: Chairman, Mission Board, ICI GHQ le Treasurer sin hai a chel
1969 - 2000: Saikawt Dist. Presbytery-ah Chairman le Secretary hai a chel.
1999-2003: Chairman, Ordination Association, Saikawt Saikawt District Presbytery, ICI

Literature: 
Article le lekhabu hai khawm iemanizat a lo zieka, ama chanchin ziekna "Ka Damsung Nihai" ti khawm a lo published a nih.

Chawimawina: 

Upa HL Daka hin 1975-76 in Manipur State Teacher Award a dawnga, hi Award dawng hmasatak a nih. Hnam, Kohran le a bikin HSA ta dinga mi pawimaw le tangkai em em el, mi hmasa a nih. Upa HL Daka lo thawhlawk zie lawmthu hrilna dingin HSA Inkhawmpui Lien vawi 48-na, Rev. Chawnga Memorial Hall, Sielmat, Churachandpur-a October 3, 2000-a nei a ni tumin Guest of Honour-a hmangin a chawimawia; 2005-a HSA GHQ huoihawtna hnuoia Senvon-a Cultural Festival-cum-Sikpui Ruoi hmangnaa Hall chu HL Daka Hall tia inhlan a ni bawk. Chun, tuta HSA Campus a Hall khawm hi ama hrietzingna dingin HL Daka Memorial Hall ti inbuk a nih. An chengna vengbuk Daka Veng, Lower Lamka ti khawm hi ama hming chawia ko a nih.

~ Simon L Infimate, Founder & Content Manager, Virthli (ONP)
Don't Miss
© all rights reserved
made with by Simon L Infimate