Responsive Ad Slot

Dy. Secy. sin anthawk pension

Sunday, November 4, 2018

/ Posted by Simon L Infimate
New Delhi, November 04, 2018, Virthli (ONP):  Delhi hmuna ei mi hlun Pu Lalbiekrawn Tuolte @LB Tuolte, Deputy Secretary to the Govt. of India, Central Water Commission Depart. chu October 31, 2018 khan a lo pension tah. Pu LB Tuolte hin November 1986 khan Ministry Of Commerce ah Assistant sin a zawm ṭana, 1990 in SO a kaisangin, kum 2004 khan Under Secretary a hlangkai ani nawk a nih. Chun, November 2014 a'nthawk khan Deputy Secretary sin chel ṭanin hi sina inthawk hin a lo pension tah a nih.



Pu LB Tuolte hi Patpuihmun, Vangaitlang khuo suok ani a, Rostad Memorial High School, Old Churachand ah Matric pass in an'chûk zawm pei a, BA a zo hnungin 1984-86 lai khan T.E. Paul High School ah Assistant Teacher sin thawin, 1987 kum bawk in UPSC Interview khawm lo hmasuon kha a nih.  Tuta Delhia Central Secretariat Service (CSS) sin a  thawna hi Pu Lalhmingthang Ruolngul hai leh 1987 kum tawptienga kha an lo zawm kha a nih. Pension theia Pathienin a ṭhuoi hi ei lawmpui takzet.
Don't Miss
© all rights reserved
made with by Simon L Infimate