Responsive Ad Slot

WMS, Thingchawm Unit, RPCNEI in Annual Sports 2018 lawmman lawmna an nei

Sunday, October 7, 2018

/ Posted by Simon Infimate
CCPur, October 07, 2018, Virthli (ONP): Women Missionary Society (WMS), Thingchawm Unit, RPCNEI chun vawisun Dar 1:00 PM khan Thingchawm RPC Biekin campus ah WMS, Phairam Presbytery in Annual Meet 2018 an nei huna item chi tum tuma an lawmman lakhai lawmna hunser an hmang. Hi huna hin Chief Guest in Mr. Jeffrey Lalkumhlun Khawbung, Social Worker a thang a, Guest of Honour le Functional President in Pi Lalroliani, Chairperson, WMS, Phairam Presbytery, RPCNEI le Pi Lalngamzo, Convenor, Annual Meet 2018 an thang.

Chief Guest in thu a hrilna a chun WMS, Thingchawm Unit hai inthuruolna, an tumruna le an inpekzonahai a hmuin lawmum ati a, hmatieng peia khawm inthuruolna tha lem nei pei dingin a ditsakna an hlan a. Sports nei zo hlim an ni thu, taksa tienga khawm an insawizawi thawkkhat hle ni ta dingin a ring a, vawisuna an program hmang chu thlarau tieng insawizawina a hmanga, hma tieng peia khawm kohran sukmawitu ni pei dingin WMS, Thangchawm Unit hai a ditsakna an hlan tawl.


Guest of Honour in thu a hrilna a chun Annual Meet 2018 an huoihawtna san hai hrilna a nei a, Lal rama an rawngbawlna-ah a hma neka hrat lem le thang nasataka la a, members hai a kim thei ang taka an thangtlang theina dinga Annual Meet chu huoihawt ani thu a hril a.

Functional President in thuhrilna a neina a chun WMS, Thingchawm Unit hai chu Meiser vawngtu le var insuotu ni pei dingin a ditsakna an hlan a. Suol thilthawtheinahai chu pei tla a, chung tieng a lawmman ding thlir zingin ringna a kal ei chawi peina a hin sel takin fe pei ei tiu tiin a hril. Hun hmangna hi Pi Nienglalbel-in a keithuoia, hunhawng tawngtaina Upa Lelkhopau, Local Chairmanin a hmang a, welcome & keynote address Pi Lalsanhim, Chairperson, WMS Thinchawm Unit in a hmang a. Vote of thanks hrilna hun Pi Mary in a hmang. Hi huna hin Ms. Mercy Lalruotkim le Rebecca han inpakna hla sakin mipui fekhawm hai an inawia, Pastor Tlangthangkhumin hun khar tawngtaina le ruoi inhlanna a nei zoin ruoi tuihnai tak el kiltlang a nih. Hi hunser hi WMS, Phairam Presbytery, RPCNEI a thuoituhai le kohran thuoitu han an va oup ve.
Don't Miss
© all rights reserved
made with by Simon L Infimate