- Meshak Lalramhuol Neitham
Tipaimukh Constituency hi ka piengna le seiliena ram a ni leiin ka hriet chieng a. 1970 bawr vel inthawk MLA neiin sorkarah palai ei tir țan a.Kum 40 nekin a tam tah. Ram siem ding le sukhmasawn dinga hotu ei nei an ni tawl a.
Ram am hnam a pawimaw lem ti ka ngaituo rawp hlak. Ram nei lo hnam ropui le lekhathiem tam tak an um a. Chuleiin ram nekin hnam apawimaw lem. Chuleiin, ngun takin ei ngaituo chun ram hi ieng bek a ni nawh. Hnam le mimal a pawimaw a nih. Ram lien tak nei si a, enkawltu dukdak naw chu umzie bo a nih. Vawisuna MLA pakhatin hmasawna kalbi a rem chu ka dem nawh. Kum tam dai naw nih. Ka ngaituo ruokchu kum tam dai ding a nih. Political party/Candidate pakhatin a tling pha/ vote tling an ni pha thaw ding iemani zat an zam hlak. Chu sin thaw ding an zam chu THAW DING an ti hlak. MLA ni lang ram siem nekin hnam siem hmasak tum ka tih. Kha hma deua ei MLA popoin ram siem an tum a. Mihriem siem țha lovin ram siem thei an nawh. Ram nekin hnam a pawimaw lem si a.
Tipaimukh biela ka mi-le-sa hai hnam ropui le thilthawtheiin siem ka nuom. Chuleiin, a hnuoia hi ka THAW DING mipui hriet dinga ka tlangzar an nih.
Mipui/Hnam inthuruol naw a huoi an um ngai nawh. Tipaimukh biela Hmarhai dawikawlawkna san ka ngaituo chienga. Inthuruol nawna lei a nih. Hnam le khuo inthuruol thei lova siemtu chu kohran pawl tam taluo lei a nih. Hnam hi a dawi reng annawleh a huoi reng an um nawh. Hnam Inthuruol lo reng reng a huoisen an um ngai nawh. Hmelma tlawmte hmaah an tlansie zie hlak.
Mihriem ei var pha hming thar nekin a hlui an ngaInain an dit lem. Entirna chu Bombay aiah Mumbai, Orissa aiah Odisha Bangalore aiah Bangaluru ti le a dang dang hril ding a tam. Ei mawl hunah chu hming thar le sap rawng kai ei dit hlak. Chanchin țha ei ringa inthawk kum zakhat ei hmang zo tah. Hming hmasa nei kei tho a hun tah.
Mani nina ang charin ka ram mipuihai chu Pathien hmaa inlang dingin thu insuong ka tih. Mani tuol hla chauh biekinah hmang ka phal ta ding a nih. Ram ka siem hmain mihriem lungril thleng hmasa ning a tih. Hi lei hin mani nina ang chara Pathien hmaa inlang chu hril uor ning a tih.
Khawvel hnam laia depde chu ei tuolbawmhai chalranghai an nih.MLA ni lang ka thu puong ding chu khuo tinah mani nina ang chara siemtu chawimawi le biek ni tang a tih.
Pi le pu thuvar ‘Mihriemin an tam an dampui a, ngahaiin an thipui’ti ngaituo ning a tih. Chuleiin, ka bielah khuo khatah In 50 hnuoi um phal ni naw nih. Mi tlawmte chau hi hmelma lakah himna a um naw a. Zu le va laka thlai khawm a him nawh. Kangmei le sietna dang dang laka inthawk mi tlawm taluo chu an him nawh.
Mihriem siemțhat dingin sikul țha le damdawiin țha ei mamaw. Mihriem tlawmte, khuo khatah In 20/30, mihriem zakhat vel chau umna khuoah sikul țha le damdawiin țha siem a harsa. Sorkar naver phak dingin rihau nei khawp mihriem umna khuo a ngai. Chuleiin, khuo khata In 50 neka tlawm chu hmun khata karbum ning an tih.
Mani umna zirin mihriem lungril a chinin a lien hlak. Khuo chite, mihriem tlawmte chau a inthawk lungril zau tak nei suokin pieng ngai naw ni hai. Khuo chite, mihriem tlawmte umna a inthawk lekhathiem tirsuok ngai naw mei nih. Ka mipuihai lungril zau dingin ka dit a,hmathlir sei tak nei dingin ka ditsakpui bawk.Chuleiin, khuo chite chauah tukhawm intawm lo dingin hril uor ning a tih.
Nagahaiin an nuom hunhuna Manipur mihai hnuk an rek nawk ta nawna dingin Meitei MLA popo hrilvar ka tih. Tipaimukh Vangai tlang lampui siemfel dingin țhang khaw bawk ka tih.
Tipaimukh Constituency hi ka piengna le seiliena ram a ni leiin ka hriet chieng a. 1970 bawr vel inthawk MLA neiin sorkarah palai ei tir țan a.Kum 40 nekin a tam tah. Ram siem ding le sukhmasawn dinga hotu ei nei an ni tawl a.
Ram am hnam a pawimaw lem ti ka ngaituo rawp hlak. Ram nei lo hnam ropui le lekhathiem tam tak an um a. Chuleiin ram nekin hnam apawimaw lem. Chuleiin, ngun takin ei ngaituo chun ram hi ieng bek a ni nawh. Hnam le mimal a pawimaw a nih. Ram lien tak nei si a, enkawltu dukdak naw chu umzie bo a nih. Vawisuna MLA pakhatin hmasawna kalbi a rem chu ka dem nawh. Kum tam dai naw nih. Ka ngaituo ruokchu kum tam dai ding a nih. Political party/Candidate pakhatin a tling pha/ vote tling an ni pha thaw ding iemani zat an zam hlak. Chu sin thaw ding an zam chu THAW DING an ti hlak. MLA ni lang ram siem nekin hnam siem hmasak tum ka tih. Kha hma deua ei MLA popoin ram siem an tum a. Mihriem siem țha lovin ram siem thei an nawh. Ram nekin hnam a pawimaw lem si a.
Tipaimukh biela ka mi-le-sa hai hnam ropui le thilthawtheiin siem ka nuom. Chuleiin, a hnuoia hi ka THAW DING mipui hriet dinga ka tlangzar an nih.
Mipui/Hnam inthuruol naw a huoi an um ngai nawh. Tipaimukh biela Hmarhai dawikawlawkna san ka ngaituo chienga. Inthuruol nawna lei a nih. Hnam le khuo inthuruol thei lova siemtu chu kohran pawl tam taluo lei a nih. Hnam hi a dawi reng annawleh a huoi reng an um nawh. Hnam Inthuruol lo reng reng a huoisen an um ngai nawh. Hmelma tlawmte hmaah an tlansie zie hlak.
Mihriem ei var pha hming thar nekin a hlui an ngaInain an dit lem. Entirna chu Bombay aiah Mumbai, Orissa aiah Odisha Bangalore aiah Bangaluru ti le a dang dang hril ding a tam. Ei mawl hunah chu hming thar le sap rawng kai ei dit hlak. Chanchin țha ei ringa inthawk kum zakhat ei hmang zo tah. Hming hmasa nei kei tho a hun tah.
Mani nina ang charin ka ram mipuihai chu Pathien hmaa inlang dingin thu insuong ka tih. Mani tuol hla chauh biekinah hmang ka phal ta ding a nih. Ram ka siem hmain mihriem lungril thleng hmasa ning a tih. Hi lei hin mani nina ang chara Pathien hmaa inlang chu hril uor ning a tih.
Khawvel hnam laia depde chu ei tuolbawmhai chalranghai an nih.MLA ni lang ka thu puong ding chu khuo tinah mani nina ang chara siemtu chawimawi le biek ni tang a tih.
Pi le pu thuvar ‘Mihriemin an tam an dampui a, ngahaiin an thipui’ti ngaituo ning a tih. Chuleiin, ka bielah khuo khatah In 50 hnuoi um phal ni naw nih. Mi tlawmte chau hi hmelma lakah himna a um naw a. Zu le va laka thlai khawm a him nawh. Kangmei le sietna dang dang laka inthawk mi tlawm taluo chu an him nawh.
Mihriem siemțhat dingin sikul țha le damdawiin țha ei mamaw. Mihriem tlawmte, khuo khatah In 20/30, mihriem zakhat vel chau umna khuoah sikul țha le damdawiin țha siem a harsa. Sorkar naver phak dingin rihau nei khawp mihriem umna khuo a ngai. Chuleiin, khuo khata In 50 neka tlawm chu hmun khata karbum ning an tih.
Mani umna zirin mihriem lungril a chinin a lien hlak. Khuo chite, mihriem tlawmte chau a inthawk lungril zau tak nei suokin pieng ngai naw ni hai. Khuo chite, mihriem tlawmte umna a inthawk lekhathiem tirsuok ngai naw mei nih. Ka mipuihai lungril zau dingin ka dit a,hmathlir sei tak nei dingin ka ditsakpui bawk.Chuleiin, khuo chite chauah tukhawm intawm lo dingin hril uor ning a tih.
Nagahaiin an nuom hunhuna Manipur mihai hnuk an rek nawk ta nawna dingin Meitei MLA popo hrilvar ka tih. Tipaimukh Vangai tlang lampui siemfel dingin țhang khaw bawk ka tih.
