Responsive Ad Slot

Manipur CM kutah Joint Representation pêk, Pherzawl District ani ang chara um dingin lekha an pek

Friday, October 26, 2018

/ Published by Simon L Infimate
Pherzawl, October 26, 2018, Virthli (ONP): Hmarram sunga Civil Society dang dang, Tipaimukh Area Development Agency, Tipaimukh Authority Union le VA iemanizât ha’n, Pherzawl District sûnga, sawrkar development sinthawhai duthu a sâmnaw zie le Department dang danghai hmalâk dânhai a thu chauva function ani dânhai chu ani ang anga pholangin hi ân lekha pêk a chun ân ziek. Hi lekha hi TADA țhuoituhai, Pu Ramsangthang Chief of Pherzawl le VA Union Chair ni bawk le Pu Lalzar Sinate hai le United NGO Mission Manipur (UNMM) hai chun CM kut a ngei a’n inhlân.

Liemtah, 20 October 2018 “Ginger Festival” hmanga Khuolliena a țhang huna CM in thil thaw dinga a’n tiem țhenkhat la thaw loa umhai khawm sukpuitling ani theina dinga ngên nawnna thu khawm zepsa a nih. Electric meivar thua ei harsatna, SDO’s Office ha’n infrastructure le thawktu an mumal naw ziehai – Damdawiin, lampuihai le infepawna Tuivai leilak le Tuiruong (inland waterway), Banking le Technological Connectivity le District Library ei mamaw thuhai khawm zieklangin a um.


CM in lekha hai a en zo in Prncpal Secretary 4 hai kuoma peksawng ding ati leiin an office senga pek anni a, chukhelah Thanlon Sub Division Chiefs Association haiin CCPur District a um an nuom lem le Pherzawl District Chief han NOC an pek ti memorandum an lo pek chu an pawmnaw thu le Pherzawl District puong ani ang chara District area hi la um raw se ti thu Pherzawl District Chief Association hmingin lekha peksa ani bawk a nih. (input: Lalruotlien Hmar)

Don't Miss
© all rights reserved
made with by Simon L Infimate