Responsive Ad Slot

Lakhipur Sub Division sunga sawrkar thuneitu hai an inhmupui

Friday, October 12, 2018

/ Posted by Simon L Infimate
Hmarkhawlien, October 12, 2018, Virthli (ONP): Sawrkarin Hmarkhawlien hi Town le Goan in a ṭhe a. Lakhipur Municipality sunga hin wards sawm (10) umin ward 5 le 6 hi Hmar tamna le Hmarhai chêngna bîk ani a. Hmarhai chêngna ward 5 le 6 hi wards dang le khâikhi chun sawrkar in a ngaitha (neglect) bîkin an lang a. Sawrkar hnengna ding tiin tarik 2nd October, 2018 khan ward 5 le 6 a mipui (public) pungkhawm in committee pakhat, Lakhipur Municipal Hmar Area Development Committee (LMHADC) chu indinin ṭhuoitu dinghai khawm thlangna nei nghal ani a.

LMHADC ṭhuoituhai vawisun tarik 12 October, 2018 hin Lakhipur Sub division sunga sawrkar milienhai inhmupuina neiin inlaichinna ṭha le sin thawtlang ani theina dingin an office tinah feiin Thangsuopuon insiltirna nei a nih. Town Chairpersonnu hohlimpuina nei ani a. A hnuoia points hai hi LMHADC ṭhuoituhai le inbiekna chu a nih.
1. Street light thar le a ṭha naw hai insiemtir dinga hni a ni a. Chairpersonnu inbiekpui ani lai zingin a rawihai hmalâk dingin a tirdawk nghal.
2. Gobinagar road(Pu David Neitham a Ina inthawka bypass road chen) lakhs 12 proposal an thunlut tah ti thu dawng a nih. Anhmathei ang taka hma anhung lâk beisei a nih.
3. Ward 5 le 6 sunga dusbin si nawk dinga hni ani a. Amiruokchu, Lakhipur Municipality in hmunhnawk peibumna ding hmun thuah harsatna an nei leiin LMHADC ṭhuoitu hai a peibumna hmun ding lo ngaituo dingin a ngên a. Ṭhuoitu hai chun hmun remchang lo enfel dingin an in tiemkam pek.
4. Wards dang hai ah Drain siem zo anta a. Hmar area sungah Drain siem annaw thu inthlunna LMHADC ṭhuoitu haiin an nei a. Chairpersonnu in Drain Proposal Shiv Mandir( Hmarkhawlien, Mukam) a inthawka Hebraiveng leilak chen thunlut ani tah thu ṭhuoitu hai kuomah alo hril.
5. Gobinagar Road, bypass to Covenant English School chen black topping a siem dinga ngen ani a. Chairpersonnu in LMHADC in memorandum Lakhipur Municipality ah anhmathei ang taka thelut dingin ati a. Memorandum sukpuitling ngei dingin an tiemkam bawk.

Zinga tarik 13 October, 2018 khin Local MLA, Pu Rajdeep Goala inpawlpuina nei dingin appointment sukfel ani a. LMHADC ṭhuoitu hai  le bieltu MLA inlaichinna ṭha siema a um theina ding le Hmar area sunga harsatnahai dawmkâng ani theina dingin ṭhuoitu hai fe dingin an insingsa mek a nih. (input: Oliver S. Khawbung, Secretary, LMHADC)
Don't Miss
© all rights reserved
made with by Simon L Infimate