Muolhoi, October 25, 2018, Virthli (ONP): Vawisun khan CH Khawthlang Hall, Muolhoiah Hmar Autonomous Council Demand Assam chungthuah Consultative Meeting nei a nih. Hi huna hin Hmar hnam thuoitu Hmar Inpui, HSA, HYA le HPC-D thuoitu hai, Assam Peace Team memberhai an thanga Charter of Demand a points hai fumfe tak le chipchier taka hriltang a nih.
Inrawntlangna hi a hlawtling hle a, hmun dang danga thuoitu le Hmar hnam sunga mi pawimaw mi 70 hai an thang. Assam rama Hmar Autonomous Council le inzawm hin kum 2012 a inthawk khan Tripartite Talks vawi 7 lai nei a ni tah a Govt. interlocutor thangin tum khat inbiek a ni ta bawk. Inbiekna hi sawrkar palai hai hril dan khawmin a hmawr inbawk chau baka ngai a ni ta leiin beiseina var a hung inlang vat dinga ngai a ni tah.
