Responsive Ad Slot

The Living Gym Sept. 3 a inthawk Rengkai ah hawng ṭan ding

Saturday, September 1, 2018

/ Posted by Simon Infimate
CCPUR, Sept. 1, 2018, Virthli (ONP): Mi tam tak nghakhla le ngaiven hlaw em em el, Medical Doctor Pu F. Thienkhogin @Dr. Ginte hai sungkuo ta, a ṭul ang peia ama khawm rawn thei ding le mihriem hriselna dinga exercise lakna hmun le taksa siem nuom hai ta ding lieu lieu a siem 'The Living Gym' chu Rengkai, Vengpui laia Rama and Son building, 2nd floor, Opp. Chief of Rengkai Residence ah Sept.3, 2018 (Thawṭanni) a inthawk hawng ṭan ning a tih. Timing chu Morning 5:30am - 8:30am le Evening 3:00pm - 8:00pm ning a ta, Admission & Registration a kawpin ₹ 800/- le Monthly Fee (Opening Offer) ₹ 700/- ning a tih. Hi Gym a Manager chu James F. Tuollai le Instructor Paul Inbuon niin Team Member chu Lallawmum le George F. Tuollai hai an nih.


Hi Gym hi Pathien kuoma ṭawngṭai a inhlanna Pastor Lalpeklien Joute, Rengkai Local Church in Sept. 1, 2018 zan dar 7:28 PM khan a nei a, mi tamtakin sum lamna dingin silai dam an chawi a, drugs dam an zawr a, chu nilo a midanghai hriselna dinga business siem a um ropui a ti thu le malsawmna nasatak ani thu hai a hril.

The Living Gym thupui/thiltum chu "Hung ro, insuk hrisel ei tiu" ti le ṭhalai hai laia zu le inruithei chi tum tum hai hmangsuolna chu taksa hriselna (fitness) hmanga do le hneban chu an thiltum lientak a nih.

Model: Melody Varte
(Hmar Popular Singer)
Don't Miss
© all rights reserved
made with by Simon L Infimate