SILCHAR, Sept. 1, 2018; Virthli (ONP): Pathienni (August 26, 2018) a inthawk khan Mrs. Rebek Lalrimawi w/o Mr. Jeremia Kungate chu Silchar Medical College Hospital ah enkawlin a um a, August 27, 2018, 11:00 AM khan operation thawin, tuhin I.C.U. Room a sie zing a nih. Vawisun (Sept. 1, 2018) khan HSA Jurkhal Unit hai chun kanna nei ani a, Tv. Job Kungate, Asst Secy, Tv. Isaac Pakhumate, Games & Sports Secy. le Unit President Tv. Timothe L. Pakhumate hai fein sumfai Rs. 2,000/- ṭhangpuina an pek. Chun, President Tv. Timothe in Pi Rebek Lalrimawi tadingin Pathien kuoma ṭawngṭaina a nei a, HSA Silchar Branch haiin Thisen (Blood) Unit 2 an pek bawk. HSA Jurkhal Unit chun HSA Silchar Branch chungah an lawm tak zêt thu an hril.
