Shillong, September 14, 2018, Virthli (ONP): Hmar Students' Association (HSA), Joint Headquarters, Shillong chun zinga hin 61st Freshers Social cum Annual Meet chu hmang dingin nasa takin an inpuocha mek. Tulaia inlar thal Jajai Singsit, Christina Shakum, Lorinda Varte le Joslyn Infimate hai chu hi huna hin rock an tih.
Hi hun hi Hotel Poinisuk Hall, Laitumkhrah, Shillong ah hmang ning ata, Chief Guest dingin Pu M. Kharkrang, IPS, Sr. Superintendent of Police (SB-I), Shillong ning a ta, Functional President ah Pu Rohminglien Buhril, IFS thang a tih.
Freshers hai lawmlutna neiin, Mr. le Miss Freshers 2018 thlangna um a ta, inchuknaa thaw tha bik hai kuomah Meritorious Awards semsuok ni bawk a tih. Cultural Troupe haiin hnam lam inentirna nei bawk an ta, Spelling le Drawing competition results puongna le lawmman semna le HSA Shillong thuoitu thar ding hai thlangna um bawk a tih.
