Responsive Ad Slot

Mizoram Home Minister a nina anthawk an ban

Friday, September 14, 2018

/ Posted by Simon L Infimate
Aizawl, September 14, 2018, Virthli (ONP): Mizoram Home Minister Pu Lalzirliana chu vawisun khan Caibinet Minister (Home) a nina anthawka inbanna chu CM Pu Lalthanhawla kuoma a pek. Pu Lalzirliana hi zani lai el khan Mizoram Pradesh Congress Committee (MPCC) hnuoia Disciplinary Action Committee (DAC) chun 'show cause notice' a lo pek tah sa ani a, vawisun hi hrifiena a siemni dinga hun pek chu a nih. Show cause notice' an pek nasan a hril chu MNF zawm dingin nasa taka fiel ani thu chanchinbuhaia a suok hnung khawma chiengtakin Congress ah ala um sunzawm pei ding thu a puong naw lei niin an hril. Pu Lalzirliana hi MPCC Vice President le Congress Party-ah Nomination Committee member 7 hai laia pakhat ni lai mêk a ni bawk a nih.
----------------------

To
The Hon'bie Chief Minister
Govt. of Mizoram

Pu Zahawm tak, Lalthanhawla

Ram leh hnam rawngbawlna atan ka theih ang tawka thawk leh inhmangin ka bial 9-Tawi Assembly Constituency-ah pawh term li zet mipuite'n min lo thlang tling ve ta a. I mi duhsakna changin Cabinet Minister hialah min dah avangin i chungah ka lawm hle a ni. Hetianga ka phu loh chawimawina ka dawn avang hian Pathian leh bial mipui te chungah pawh ka lawm hle a ni.

Amaherawhchu kan bial mipuite'n hun rei tak atanga an lo beih tawh leh an duh ber pakhat District Headquarters chu pe in kan function tir thei ta lo a. Hei hi an duh leh mamawh zia kawng chi hrang hrangin an entir tawh a. He District Headquarters siamna hi sawrkar pawhin Notification meuh siama a lo pek diam tawh a ni a. Chu chu keinin kum sawm zet kan Sawrkar chhung hian kan function tir thei ta lo a. Kan sawrkar budget tam tawh dan en in awlsam tea function tir theih a nih pawh a lang reng a: nangmah ngei pawhin ka bial mipuite hmaah "Sawrkarna kan neih leh hunah Saitual bial atangin Development tan a ni ang" tih leh , MNF ten fuke kim lo District an pe che u a, keini chuan fuke kim District kan pe ang che u.- i tih tai le kha kan bengah rimawi tak a la ni reng a: mahse tun thlengin thu chu tisa ah chantir a ni thei ta chuang lo a ni.(transcript by Virthli).

Hetiang boruak hnuoiah chuan nihna pawimawh tak chelh chunga he sawrkara thut ve reng hi tih chi niin ka hre ta lo va. Min thlangtu ka bial mipui te powh an zahawm ta lutuk a. Chuvangin Cabinet Minister ka nihna hi vawiin ni 14th Sept 2018 (Zirtawpni) hian ka bansan ta tih ka rawn hriattir che a ni. Thil tih hrehawm tak ni mah se, ti lo thei lo dinhmuna ka din tak si avangin i mi hriatthiamna pawh ka rawn ngen nghal bawk e. Party-ah erawh chuan lungrual taka kan thawh ho zel theih ka beisei.

Ram tana i thawhpui,
(R.LALZIRLIANA)


Don't Miss
© all rights reserved
made with by Simon L Infimate