Pherzaw, September 18, 2018, Virthli (ONP): Pherzawl District Sport’s Association hai le Pu Dr. Chalton Lien Amo, Hon’ble MLA Tipaimukh A/C hai ințhungkhawmin Pherzawl District Level-a Football Tournament nei dan ding ngaituona ân nei. PDSA rawtna angin, Pherzawl District huopa Football Tournament neina ding thuah, Dr. Chalton Lien Amo chun apa famtah DR Țhuoma (Dr Chalton Lien apa) hrietzingna Trophy huoihawt dingin a hril. Hi football tournament hin Pherzawl District sung a Football Club po po huom ata, PDSA dân hnuoia inziekluthai cho țhang thei ân tih ti’n PDSA President Pu Lalvullien chun hi hun ahin a phuonglang. Hi Tournament hi Sub-Divisional, Pherzawl District huong sûng ahai Qualifying Match nei nîng ata hieng, Thanlon, Parbung, Patpuihmun ahai a’nthawkin Sub-Divisional Team Champion hai chun Vangai Sub-Divisional Hq Patpuihmunah intuokkhawmin November ni 30 2018 in Final Match ropuitaka hmang nîng a tih.
