INHRIETTIRNA
A hnuoia hun le hmun a hin HSA Jt. Hqrs., Shillong Freshers’ Social cum Annual Meet vawi 61-na nei dinga rel a nih a, inchuklai hai, abikin, mithar (freshers) hai thang seng dingin ei infiel a nih.
A hun: 15th September 2018 (Inrinni); 11:00 AM onwards
A hmun: Hotel Poinisuk Hall, Laitumkhrah, Shillong
Hi huna Chief Guest dingin Pu M. Kharkrang, IPS, Sr. Superintendent of Police (SB-I), Shillong ning a ta, Functional President ah Pu Rohminglien Buhril, IFS thang bawk a tih. Guests of Honour le Special Guests hai chu la hung inhriettir nawk ning a tih.
Freshers hai lawmlutna neiin, Mr. le Miss Freshers 2018 thlangna um a ta, inchuknaa thaw tha bik hai kuomah Meritorious Awards semsuok ni bawk a tih. Cultural Troupe haiin hnam lam inentirna nei bawk an ta, Spelling le Drawing competition results puongna le lawmman semna nei ni bawk a tih.
Hlasaka mipui inawitu dingin Jajai Singsit, Christina Shakum, Lorinda Varte le Joslyn Infimate hai fiel an nih a, HSA Jt. Hqrs., Shillong kum 2018 - 2020 sunga thuoitu ding inthlangna HSA Gen. Hqrs. inrawina hnuoiah nei ni bawk a tih.
Freshers’ Meet ei hmangna hmun hi 3-star hotel a ni a, mipui fekhawm hai nungchang tha tak nei seng dingin ei inngen a, hall sunga hin inrui puma lut thei ni naw nih a, a sunga ziel hawp khawm phal a ni naw bawk. Mi tuelkhawm nungchang mawi tak kengkaw seng dingin ei inngen mawl mawl a nih.
Kum khat sunga inchuklai hai vawikhat ei inhmukhawmna-ni a ni leiin, hi ni hih thienghlim tak a hmang seng dingin ei inditsak a. Freshers’ Meet a ni ang hrimin Fresh taka um seng dingin ei inngen a nih.
Sd./-
Ezra L. Darngawn
General Secretary
Sd./-
Joyful Thiek
President