Responsive Ad Slot

HSA in Sakawrdai siettuok hai ralna a nei

Thursday, September 6, 2018

/ Posted by Simon L Infimate
Aizawl/Sakawrdai, September 06, 2018, Virthli (ONP): Hmar Students' Association (HSA) Sinlung Hills Joint Headquarters, Aizawl Aizawl Joint Headquarters le Kolosib Joint Headquarters hai chun ni 20 August, 2018 a Sakawrdai mi Tuiruong vadunga lawng changsuol (Accident) leia hringna chan Pu Lalrolien, Pu Lalpawllien, Tv. J. Hranglur le Pi Sandam hai ralna ding hin HSA chun Aizawl khawpui ah ni September 01, 2018 (inrinni) khan Mobile Charity Concert neiin bawm a dawa, chu taka intlingkhawm chu ni 5 August, 2018 (nilaini) zan khan mithi sung hai ralna an nei.


Hi huna hin HSA ṭhuoitu Pu VL. Khawbung, President, Sinlung Hills Joint Headquarters, Pu Lalthlirlien Hmar, Gen. Secretary, Sinlung Hills Joint Headquarters, Pu Lalfakawma Hmar, Fin. Secretary, Sinlung Hills Joint Headquarters, Amos Lalthanmawia Asst. Secretary Sinlung Hills Joint Headquarters, Tv. Lalsiemsang Buhril Treasurer, Sinlung Hills Joint Headquarters. Pi, Zothanmawii Zote, President, Kolosib Joint Headquarters, Pu K. Lalramṭana, President Aizawl Joint Headquarters le Tv. Lalhriatchhunga State Co-ordinator hai an nih. Chun, hi huna hin Sakawrdai Joint YMA le Branch hrang hrang hai baka Tuisual Group YMA ha in an ṭawiawm ṭha hle bawk.

Hieng anga HSA in thil ropui tak a thaw hi Joint YMA chun lawm um a ti takzeta, hnam ta dinga thei tawp insuo dingin ditsakna an hlan el baka HSA ṭhuoitu hai hi buthleng tuihnai tak el an siem pek bawk a nih.
Don't Miss
© all rights reserved
made with by Simon L Infimate