Responsive Ad Slot

Guwahati HSA Jt. Hqrs 36th Fresher’s Meet -cum- HWSG MEET 2018 hlawtling taka hmang

Saturday, September 1, 2018

/ Posted by Lalrintluong Kungate
Guwahati, September 01, 2018, Virthli (ONP): Zani khan Guwahati HSA Jt. Hqrs le Hmar Welfare Society, Guwahati (HWSG) thang kawpin 36th Fresher’s Meet -cum- HWSG MEET 2018 chu “TLAWMNGAINA (CHIVALRY)” ti thupui hmangin NEZCC, Shilpgram, Panjabari, Guwahati hmuna hlawtling taka hmang a nih. HI huna hin Pu H.D Ramtawnlien, Chief Manager, State Bank of India chu khuollien a hmang a nih.

Hi hun hi hun hnia the niin Tv. Laldinsang Tuolor le Nk. Esther L Zate haiin hnesaw takin programme an keihruoia hnuoina hmang a nih. Opening Song 'Dar ang lengna " mipui hlasakna nei zoin Pastor Lalmuongthang Thiek Pastor, EFCI in tawngtainan hun hawngna a nei. Hun hmasa a mipui fekhawm hai lawmlutna Pu Lalzuithang Hrangate, Vice Chairman, HWSG in hun a hmanga, chu zoa “FELICITATION OF CHIEF GUEST” Pu Thanghlun Hmar, Chairman HWSG, Pu Joshua Neitham, Secy HWSG, Tv. Daniel Khawral, President HSA , Tv Eric L Ralsun, Gen. Secy HSA han an hmang bawk a nih. Chief Guest Pu H.D  Ramtawnlien, Chief Manager ,State Bank of India in thuhrilna neiin Zawlbuka inthawka Pi le Pu hai tlawmngaina uor takin hrilna a nei a nih.

Cultural Dance (Hnam lam) mawi tak tak HSA Cultural troupe le Diphu Cultural Trope han thiem takin inentirna an neia, Introduction of Fresher’s chu Comperes  Tv. Laldinsang Tuolor le Nk. Esther L Zate han an inneitir bawk a nih. Tukum Guwahati a lekha inchuk dinga hung hi mi 90 bawr vel  an ni a, hmelthar inchuk dinga hung hai tawngtai pekna hun Pastor Vanlalsang Khuptong, Pastor GHCF in hun a hmang bawk a nih.

Exhortation Speech  Pu Watcyn L Keivom, Advisor HSA in a nei zawmin, Pu Thanghlun Hmar, IRS, Chairman HWSG in tlawgngaina thupui hmangin thihrilna a nei bawk. Presentation of meritorious award chu Tv.  Stalone Lalhnethang, Asst.Gen Secy in HSA member inchukna tienga thaw tha zuol hai kuoma Certificate inhlanna a nei bawk a nih.

Programme fe peiin Blood donors club (BDC) Pu James Neingaite, Co-ordinator BDC tieng pang in hun la ve in, Guwahati sunga Hmarnau Damnaw hung hai Thisen pe hlak mi 13 hai kuoma chawimawina Certificate inhlanna hun a hmanga, Secretarial report Tv. Eric L Ralsun, Gen.Secy HSA in chipchier takin a pek bawk.

Programme kar laka Artiste hieng The Pirates Band, Tv.Patrick , Nk. Quilyn Lalrovel, Nk Tabitha Lalnunnem, Pi Lalrokim Parate, Nk Angela Traite, Tv Lalthutlung Zate, Tv Jehova Tuolor, Tv Rolland Songate, Tv Patrik Changsan, Tv John Marc le Maryjone haiin mipui hlim takin an inawi.

Mr & Miss Freshers 2018 puonglangna Pu Dewitz le Pi Thuompui han an nei a, HSA Freshers 2018 Mr. dingin Tv. David Lalrawngbawl thlang a nia, Miss dingin Nk. Vanlalhriet thlang ani bawk a nih.

Lucky draw result Tv. Albert Sitlhou le Tv. Albert Hmar haiin puonglangna an nei zoin Tv. Daniel Khawral President, HSA in Vote of thanks hun a hmang zawm nghal a, Closing Song “ Thangruolin Lungruolin” ti chu mipuiin an sak zoin Pastor Robert Vanlallien, Pastor ICI in tawngtainan Programme hi a suktawp a nih.



















Don't Miss
© all rights reserved
made with by Simon L Infimate