Responsive Ad Slot

Sizo hmepawk festival Aizawl ah nei a nih

Friday, August 24, 2018

/ Posted by Simon Infimate
Aizawl, August 24, 2018, Virthli (ONP): Ni thum sung aw ding Sizo hmepawk, traditional food festival chu August ni 23, 2018 khan Mizoram Journalist Association (MJA) President Pu Zonunsanga Khiangte in Tourist Complex, Berawtlang, Aizawl ah a hawng.

Inaugural function hi Sinlung Hills Council (SHC) Chief Executive Member (CEM) Pu Lalthalien chu khuolzaum niin a hmangpui bawk. Hi huna hin Sizo hmepawk bakah uisa le Hmar/Mizo hme chi hran hran 20 vel siem ani a, fiel bikhai ta dingin special launch buotsai niin a thlawnin ruoiṭhe a nih.

Sizo hmepawk festival hi Zofood (Mizo traditional food restaurant) neitu le SHC) member ni lai mek Pu Lalremruata Varte i buosai a ni a, Inrinni chen khi aw'ng a tih.


Vawisun le zinga hin chawhma dar 10 anthawkin food exhibition nei ning a ta, man tlawm lemin (discount) inchawk thei ning a tih.

Hi baka hin sun dar 12:30 anthawkin Sizo hmepawk le Hmar/Mizo hme chi hran hran 20 vel ruoiṭhe ning a ta, mi lukipah/pakhatah Rs. 300 pei ning a tih.

Hi huna hin HSA chun Sakawrdaia ei unau siettuokhai ṭhangpuina/ralna bawm an daw bawk a nih.

Sizo hmepawk festival hi Mizoram state sawrkar flaghsip programme pakhat New Economic Development Policy (NEDP) hnuoia Entrepreneurship Development Scheme- MEDMOC fethlenga Sawrkar bultum a ni a, Sinlung Hills Council in a sponsored bawk a nih.

Festival buotsaitu Pu Lalremruata Varte hril danin hi festival hi Hmar bakah Zo nauhaiin hme inhnik tak le ngaina taka ei nei Sizo hmepawk le hme chi hran hran suklar (promote) na dinga buotsai a ni thu a hrila, a nikhatna anthawkin mipuiin an hlutsak ṭan nghal niin a hril.
Don't Miss
© all rights reserved
made with by Simon L Infimate