~ Jami Darngawn
✍ Nikhat lai khan kan in tuola vate (a'te) la vuong thei lo pakhat hi ka naupan a lo hmu fuka, a lunginsiet taluo leiin kan in sunga a hung chawi luta a lunginsiet lei chun bu tam tak a pek ve a, chun dei ting a tih a ti leiin puon dam an sil tir a nih.
Ka naupa kuoma chun hieng hin ka hril a "Tawi, hi vate hin a nu le pa a ngai taluo ding ana, a nu le pa khawma an naute hi an ngai ding a nih. Nangkhawm hmun danga um la che i Pa leh kan ngai taluo ding che ana, chuleichun hi vate hi insuo el rawh" ka ti a, ka naupa khawm chun insuo a nuom lai zingin vate kha a la vuong theinaw leiin insuo dan a um naw leiin kan in kawl varanda sir lai a chun a pui hai hmu thei dingin kan sie tah a.
Chu zan chun ka in thei nawh a, asanchu vate hai nufa kha ka lungrila aum zing leiin. Chun, "Riekmaw Vate" ti hi ka lungrila aum zinga, chu zan chun vate hai nupa khawm kha an naute an ngaituo leiin a in thei bik ka ring naw a nih.
Chu vate hai nufa a'nthawk chun ka lungrila thil tam tak a uma, inchuk ding tam tak ka hmu suok a nih. Vate kha ka lunginsiet taluo leiin a pui le an um kawp theina dingin Lalpa kuoma ka hni hlawl a nih.
Zingkar ka tho a, vate ka va en hmasataka, a lo la uma ka naupan fak ding tam tak le puon an sil tir khan umzie reng a nei nawh, vate kha a puinu'n fak ding a hung pek beiseiin a bau a ka awk awka, a rukin ka lo en zinga chuongchun a puiin fak ding a hung pek chu a lem duok duok el a nih. Zantieng chun a thla a lo sei met tam ani ding? a lo vuongdawk thei taha ka lawm em ema a nih.
Hi vate nufa a'nthawka ka hmu suok laia pakhat chu hi hi a nih. Vate kha ka naupan ieng angin lunginsietin duot hle sien la, fak ding le dawn ding tam tak pe sienkhawm, vate ta ding chun khawpna tak tak a tling nawh a, a ta ding chun natna/sawlna chauh ani lem a, damna, hratna, puitlingna, a tling naw a nih.
Chuongang bawk chun nang le kei khawm hi khawvel inhawi chenna hai zu le sa, sum le pai, inruithei chitinreng, nuhmei pasalna (sex) etc hai hin mi tuomvelin thaw hlak inla khawm, ei thlarau ta ding chun damna a tling naw a, chunekchun sawlna/natna/thina chen a min tlun thei zing a nih.
Vate kha a puiin an'khat tawkin a fak ding a hung pek hlaka, chu ngei chu a damna/hratna'n anchang angin, nang le kei khawm Lalpa Pathien bauva thu tin suokhai hin ei dam, hring, hrat lem ding a nih.
Matthai 4:
4. Nisienlakhawm ama chun, “Mihriem hi bei chauvin hring naw ni hai a, Pathien bauva thu tin suokin hring lem an tih,’ ti ziek a nih,” tiin, a dawn a.
VAN LAL NAU CHUN RIEKMAW VATE ANGIN A MI INSAN NGAINAW A NIH.
✍ Nikhat lai khan kan in tuola vate (a'te) la vuong thei lo pakhat hi ka naupan a lo hmu fuka, a lunginsiet taluo leiin kan in sunga a hung chawi luta a lunginsiet lei chun bu tam tak a pek ve a, chun dei ting a tih a ti leiin puon dam an sil tir a nih.
Ka naupa kuoma chun hieng hin ka hril a "Tawi, hi vate hin a nu le pa a ngai taluo ding ana, a nu le pa khawma an naute hi an ngai ding a nih. Nangkhawm hmun danga um la che i Pa leh kan ngai taluo ding che ana, chuleichun hi vate hi insuo el rawh" ka ti a, ka naupa khawm chun insuo a nuom lai zingin vate kha a la vuong theinaw leiin insuo dan a um naw leiin kan in kawl varanda sir lai a chun a pui hai hmu thei dingin kan sie tah a.
Chu zan chun ka in thei nawh a, asanchu vate hai nufa kha ka lungrila aum zing leiin. Chun, "Riekmaw Vate" ti hi ka lungrila aum zinga, chu zan chun vate hai nupa khawm kha an naute an ngaituo leiin a in thei bik ka ring naw a nih.
Chu vate hai nufa a'nthawk chun ka lungrila thil tam tak a uma, inchuk ding tam tak ka hmu suok a nih. Vate kha ka lunginsiet taluo leiin a pui le an um kawp theina dingin Lalpa kuoma ka hni hlawl a nih.
Zingkar ka tho a, vate ka va en hmasataka, a lo la uma ka naupan fak ding tam tak le puon an sil tir khan umzie reng a nei nawh, vate kha a puinu'n fak ding a hung pek beiseiin a bau a ka awk awka, a rukin ka lo en zinga chuongchun a puiin fak ding a hung pek chu a lem duok duok el a nih. Zantieng chun a thla a lo sei met tam ani ding? a lo vuongdawk thei taha ka lawm em ema a nih.
Hi vate nufa a'nthawka ka hmu suok laia pakhat chu hi hi a nih. Vate kha ka naupan ieng angin lunginsietin duot hle sien la, fak ding le dawn ding tam tak pe sienkhawm, vate ta ding chun khawpna tak tak a tling nawh a, a ta ding chun natna/sawlna chauh ani lem a, damna, hratna, puitlingna, a tling naw a nih.
Chuongang bawk chun nang le kei khawm hi khawvel inhawi chenna hai zu le sa, sum le pai, inruithei chitinreng, nuhmei pasalna (sex) etc hai hin mi tuomvelin thaw hlak inla khawm, ei thlarau ta ding chun damna a tling naw a, chunekchun sawlna/natna/thina chen a min tlun thei zing a nih.
Vate kha a puiin an'khat tawkin a fak ding a hung pek hlaka, chu ngei chu a damna/hratna'n anchang angin, nang le kei khawm Lalpa Pathien bauva thu tin suokhai hin ei dam, hring, hrat lem ding a nih.
Matthai 4:
4. Nisienlakhawm ama chun, “Mihriem hi bei chauvin hring naw ni hai a, Pathien bauva thu tin suokin hring lem an tih,’ ti ziek a nih,” tiin, a dawn a.
VAN LAL NAU CHUN RIEKMAW VATE ANGIN A MI INSAN NGAINAW A NIH.
