Haflong/CCPur, Aug. 9, 2018; Virthli (ONP): August 6, 2018 a Buolmuol Tribal Hostel a public meeting, NRC a hming um naw hai Harangajao ruom sunga eini mi hai chu ISF Harangajao Branch hai lo buotsaiin Headquarter a'nthawk Pu Rosang Hrangchal President, Hmar Inpui; Tv. David Keivom President, NCHISF le Pu John Mark Pena President, HSA joint Headquarters, Assam Hills hai hungin eini Hmar mi NRC a hming um naw hai leh inbiektlangna nei a nih. Pu John Mark Pena President HSA in meeting hi conduct in HSA hai chu student lekha hrie le inchûk ei ni leiin a hrie naw ei nu le pa NRC a pawimawna hai Khawm hrie lo tam tak an um thei a chu leiin Student haiin ṭhang lo la nawk zuol pui dingin a fiela, ISF Harangajao Branch hai le organisation dang dang hai Khawm ṭhangruol dingin a fiel bawk a nih.
Pu Rosang Hrangchal President, Hmar Inpui chun NRC a thil fedan tlangpui hai hrilhrietna neiin mipui hai lo chiai lo dingin a ngen a, chu ruol ruol chun mitinin mani problem hai hrilna an nei bawk a, chun mi tukhawm lungril sukbuoi lo a mani NSK senga mani hming um naw nasan hai lo zu ngaiven a form hai lo la phawt dingin a hril tawl a nih.
Eini tlangmi hai hi OI (Original Inhabitant) a ram mi tak tak ei ni leiin documents/legacy lo nei naw hai khawm ziek lut an ni vawng theina dingin hma an hung lak ding thu an hril a, DC Khawm inbiekpui ding an ti angin ṭhuoituhai chun August 7 khan inbiekpuina DC chu a chamber ngei ah neiin an lo hrilpui tah a, DC chun August 16 chen lo nghak a inbiek nawk a sukfel dan lampui ngaituo a ni ding thu a hril bawk a nih.
Chun, ISF hai khawm NRC chungthu a hin ei district a IPF community popo aiin Assam rama NRC nawrtu pawl 28 organisation hai lai hin ISF hi pakhat a ni leiin ei hnam sunga imanizat NRC a hming an um naw leiin Pu Samujjal Adviser, AASU khawm Tv. David Keivom President NCHISF in inbiekpuina an lo neiin ama chun DC lo inbiepui phawt inla DC in a sukfel thei naw leh ama ngei Pu Samujjal in state level chena a ṭul chun hma a lakpui ding thu ISF hotuhai a hril pek a, AASU hai chun Indigenous mi reng reng chu ziek lut vawng an ni ding thu hrilin ISF hotuhai chu an lo thlamuong
bawk a nih.
Mi tuelkhawm NRC a hming um naw leiin lo insuk lungngai lo dingin ei inhriettir bawk a nih. Hmar Inpui, ISF le HSA a ei ṭhuoituhaiin theitawpin hma an hung lak zing a nih, tiin ISF ṭhuoituhai chun Virthli Online News Portal an hril.
Pu Rosang Hrangchal President, Hmar Inpui chun NRC a thil fedan tlangpui hai hrilhrietna neiin mipui hai lo chiai lo dingin a ngen a, chu ruol ruol chun mitinin mani problem hai hrilna an nei bawk a, chun mi tukhawm lungril sukbuoi lo a mani NSK senga mani hming um naw nasan hai lo zu ngaiven a form hai lo la phawt dingin a hril tawl a nih.
Eini tlangmi hai hi OI (Original Inhabitant) a ram mi tak tak ei ni leiin documents/legacy lo nei naw hai khawm ziek lut an ni vawng theina dingin hma an hung lak ding thu an hril a, DC Khawm inbiekpui ding an ti angin ṭhuoituhai chun August 7 khan inbiekpuina DC chu a chamber ngei ah neiin an lo hrilpui tah a, DC chun August 16 chen lo nghak a inbiek nawk a sukfel dan lampui ngaituo a ni ding thu a hril bawk a nih.
Chun, ISF hai khawm NRC chungthu a hin ei district a IPF community popo aiin Assam rama NRC nawrtu pawl 28 organisation hai lai hin ISF hi pakhat a ni leiin ei hnam sunga imanizat NRC a hming an um naw leiin Pu Samujjal Adviser, AASU khawm Tv. David Keivom President NCHISF in inbiekpuina an lo neiin ama chun DC lo inbiepui phawt inla DC in a sukfel thei naw leh ama ngei Pu Samujjal in state level chena a ṭul chun hma a lakpui ding thu ISF hotuhai a hril pek a, AASU hai chun Indigenous mi reng reng chu ziek lut vawng an ni ding thu hrilin ISF hotuhai chu an lo thlamuong
bawk a nih.
Mi tuelkhawm NRC a hming um naw leiin lo insuk lungngai lo dingin ei inhriettir bawk a nih. Hmar Inpui, ISF le HSA a ei ṭhuoituhaiin theitawpin hma an hung lak zing a nih, tiin ISF ṭhuoituhai chun Virthli Online News Portal an hril.
