Responsive Ad Slot

Hmar biel le Vangai bielah thilhring intâm

Wednesday, August 1, 2018

/ Published by Simon L Infimate
Parbung, August 01,2018 (ONP): Tulai Hmar biel le Vangai biela hieng Bâwmsîn le Thlangnang intâm leiin mipui a suk lungkham hle. Upahai lo sinsie dân chun; thilhring ân intâm chun khuorêl sietna țam dâm, hrî dam, kângmei dâm, buoina dâm a tlung hlak ni’n ân hril. Thlangnang le Bâwmsîn hai hi, a Mound têl têlin, khuosung miha’n ân khuo kâwla daihnai-lo chul ram ahai, zing nisa suok hma le zântieng khawmuol siet hnuoiah hlohna a fuhai chu ân khâwng hlak. Hieng thilhring hi a țhenin athauhai ân sâwra, a țhen ân zeuhmuia bu leh an hme hlak a nih.

Hi thiltlung le hrilkhie thei dingin, khau, mazu le pêngpelep hai khawm hmun hrang hrangah ân intâm bawk a. Senvawn-ah ringthara bubil țhenkhat lem chu ân bu kûnghai mazu’n a se siet nasa hle thu le busîk ding beisei um talo hiela mazu’n ân sesiet a um nuol bawk. Pherzawl tlâng dung tieng a ruok chun, khauin bu le bâlhai a suksiet bawk anih.Vangai tlâng dung tieng khawm thilhring hi ân intâm nasa ve em em a hriet a nih.


A biel sûnga hieng thil intâm (mass death) hi thilhringhai el bâkah rawnâl, rawthla le sairîl hai khawm ân intâm deu vawng tah. Pi le pu hai lo sinsie dân chun, kum 40-50 dan pei ahin Mautâm (abîkin Rawmau) a tlung hlak ânlo tih. Rawțhing-tâm ân ti khawm alo tlung ta bawk anih. Chuleiin, tukuma hieng ang thil a um lei hin zu-le-va khawm ân hung intâm (Rodents Flood) ringna leiin, a ram mipuihai chu ân lungkham hle leiin, thuneituhai le Sawrkâr department mawphurtuha’n ân rang thei angin.(input: Lalruotlien Hmar)

Don't Miss
© all rights reserved
made with by Simon L Infimate