Responsive Ad Slot

HKI in HSA a thlawp thu an puong

Friday, August 3, 2018

/ Posted by Simon Infimate
Pherzawl, August 03, 2018 (HT): Hmar Kohran Inzawmkhawm (HKI) chun, Hmar Students’ Association (HSA) in Pherzawl District huop sunga mipui harsatna ngaimaw leia Manipur Chief Secretary thupek thangsana CCPur khawpui sunga SDO/BDO hai an headquarter hmun ngeia kaia sin thaw dinga phutna leia an Camp office hai an khar pekna le an hmalakna an thlawp thu August 2, 2018 khan an puong.

Hi le inzawma Media and Inft. Secy. HKI in thusuok a siem a chun, HSA in Camp Office hai a khar nasan chu an office hmun ngeia mipui ta dinga an um theina ding a ni leiin a sawrtu ding chu mipui ei ni leia HSA hmalakna hi Organisations tin le mimal tin thlawp le thangpui seng dingin an ngen a. Office khar leiin mipuiin harsatna tam tak ei lo tuok a ni khawmin tawite sung chu tuor hram hram ding le a puitling vat theina dinga HSA thawpui dingin an fiel bakah sawrkar, thuneitu hai le ram ta dinga hma latu hai tawngtaipui dingin an ngen.

SDO hai khawm mipui harsatna hrethiem a, an hmatienga an posting-na hmuna khawsa le office sin tha taka thaw ngei dingin HKI chun a ngen bawk. H S A chun Pherzawl district huomsunga Vangai le Tipaimukh SDO/BDO camp office hai hi July 16, 2018 a kha an khar tan a nih.

Pic: Tipaimukh SDO Camp office @Apollo Veng, CCpur


Don't Miss
© all rights reserved
made with by Simon L Infimate