Aizawl, 29 July, 2018, Virthli (ONP): Mizorama Hmar Students' Associaton (HSA) Joint Headquarters pathum hieng Aizawl, Kolasib le Sinlung Hills hai chun tukum March thla a, Zophai a ramri buoina leia Assam police han Mizo Zirlai Pawl (MZP) mi le sa iemanizat an vuok hliem hai in enkhawlna sengso le thuomhnaw an suksiet hai phurukna ding le MZP thangpuina di'n an huom sunga unit tina hai thangpuina thawlawm (donation) dawl an tum thu, ei thulakna chun a hril.
July ni 28, 2018 khan Aizawl Jt. Hqrs., Kolasib Jt. Hqrs. le Sinlung Hills Jt. Hqrs. hai chun Aizawl ah joint meeting an neia, MZP chu an thlawp zie inlang tirna'n donation khawn an tum thu an rela, donation hi an umna huom sung unit tina hai khawn an tum thu, vawisun khan thusuok siemin an puong.
Joint meeting chun HSA member popo bakah HSA unit umna khuoa mipui hai chu an phal ang tawk tawk donation pe dingin an ngen bawk a nih.
HSA thusuok chun inchuklai naupang tamtak hliem tuorhai central sawrkar, Assam sawrkar le Mizoram sawrkarin ngaisak lova sawmdawlna an pek nuom naw chu na an tia, an hrietthiem thei naw thu an hrila, iengtik lai khawm MZP in ramri venghimna dinga hma a lakna le Zo hnathlakhai san dinga hma a lakna reng rengah an thlawp tlat ding thu an puong bawk.
July ni 25, 2018 anthawk khan MZP chun Assam police kuta hliem tour hai inenkawlna sengo le police han thuomhnaw an suksiet hai phurukna dingin Mizoram mipui, Vai companies le Assam mi Vai hai anthawkin thangpuina an khawna, Inrinni chen khan nuoi 1 le sing 6 chuong an khawn dawk tah thu ei dawng.
July ni 28, 2018 a HSA joint meeting chun tulai Mizoram a Hmar nauhai hmakhuo ngaituona leiin inpumkhatna thalem a um theina din hnam hmakhuo le inzawmin inrawntlangna platform- hnam pum huop conclave nei nisien tiin an rela, hi chungchang hi nu le pa an nina angin Hmar Inpui, Mizoram region kuomah intlun a nia, Hmar Inpui, Mizoram region leh HSA joint headquarters 3 hai huoihawtna hnuoiah conclve nei tum a ni thu, HSA thuoituhai chun Virthli an hril.
HSA chun Mizoram sungah hnam inpumkhatna suksie thei zawnga Hmar hnam sung or Sinlung Hills areah pawl thenkhat a pieng hlak chu pawi an ti thu le tuta inthawk chu hieng ang hi tukhawmin thaw ta naw hai sien an nuom thu an hrila, hnam inpumkhatna dal theizawnga hmalakna reng reng chu do tlat an tum thu an hril bawk a nih.
Joint meeting chun inchukna tieng Hmar nauhai hma an sawn theina dingin a tam thei angin career awareness buotsai nisien ti a rela, inchuklaihai bakah nu le pa khawma thlawp seng dingin an ngen bawk a nih.
July ni 28, 2018 khan Aizawl Jt. Hqrs., Kolasib Jt. Hqrs. le Sinlung Hills Jt. Hqrs. hai chun Aizawl ah joint meeting an neia, MZP chu an thlawp zie inlang tirna'n donation khawn an tum thu an rela, donation hi an umna huom sung unit tina hai khawn an tum thu, vawisun khan thusuok siemin an puong.
Joint meeting chun HSA member popo bakah HSA unit umna khuoa mipui hai chu an phal ang tawk tawk donation pe dingin an ngen bawk a nih.
HSA thusuok chun inchuklai naupang tamtak hliem tuorhai central sawrkar, Assam sawrkar le Mizoram sawrkarin ngaisak lova sawmdawlna an pek nuom naw chu na an tia, an hrietthiem thei naw thu an hrila, iengtik lai khawm MZP in ramri venghimna dinga hma a lakna le Zo hnathlakhai san dinga hma a lakna reng rengah an thlawp tlat ding thu an puong bawk.
July ni 25, 2018 anthawk khan MZP chun Assam police kuta hliem tour hai inenkawlna sengo le police han thuomhnaw an suksiet hai phurukna dingin Mizoram mipui, Vai companies le Assam mi Vai hai anthawkin thangpuina an khawna, Inrinni chen khan nuoi 1 le sing 6 chuong an khawn dawk tah thu ei dawng.
July ni 28, 2018 a HSA joint meeting chun tulai Mizoram a Hmar nauhai hmakhuo ngaituona leiin inpumkhatna thalem a um theina din hnam hmakhuo le inzawmin inrawntlangna platform- hnam pum huop conclave nei nisien tiin an rela, hi chungchang hi nu le pa an nina angin Hmar Inpui, Mizoram region kuomah intlun a nia, Hmar Inpui, Mizoram region leh HSA joint headquarters 3 hai huoihawtna hnuoiah conclve nei tum a ni thu, HSA thuoituhai chun Virthli an hril.
HSA chun Mizoram sungah hnam inpumkhatna suksie thei zawnga Hmar hnam sung or Sinlung Hills areah pawl thenkhat a pieng hlak chu pawi an ti thu le tuta inthawk chu hieng ang hi tukhawmin thaw ta naw hai sien an nuom thu an hrila, hnam inpumkhatna dal theizawnga hmalakna reng reng chu do tlat an tum thu an hril bawk a nih.
Joint meeting chun inchukna tieng Hmar nauhai hma an sawn theina dingin a tam thei angin career awareness buotsai nisien ti a rela, inchuklaihai bakah nu le pa khawma thlawp seng dingin an ngen bawk a nih.
