Responsive Ad Slot

Helicopter service-na ding Pawan Hans Ltd. Team in Parbung ah spot enquiry an thaw ṭan

Sunday, August 12, 2018

/ Posted by Simon Infimate
Parbung, Aug. 12, 2018, Virthli (ONP): Manipur CM Pu N. Biren Singh in April 20, 2018 a Parbung khuoa 1st State Level Ginger Festival a hawng ṭum a a lo hril tah May 25, 2018 a inthawk Thanlon, Parbung, Moreh, Tamenglong le Jiribam haia Helicopter service a um tah dinga a hril chu tuhin Parbung ah hma lak ṭan mek chau a nih.


Aug. 12, 2018 sun khan Pawan Hans Ltd a engineer le official hai chun Parbung Airfield chu enna an nei a, hmangruo dang dang hai hmangin a tlang insang dan hai vel dam an study. Pawan Hans Ltd a official hai hi Parbung khuo ah ni 5 vel an cham ding thu dawng a nih a, hi an cham hun sung hin helicopter service a um theina ding le inzawma enfel ṭul hai an enfel vawng ding thu dawng a nih.

Hi helicopter service hi central sawrkar UDAN scheme hnuoia mi a nih a, hi helicopter service-na dinga fund chu central le state sawrkar-in 75:25 in tum dinga ti a nih. Parbung helicopter service hi iengtik hun vel am? a'nṭan ding ti ruok chu hril thei a la ni nawh.
Don't Miss
© all rights reserved
made with by Simon L Infimate