Hmarkhawlien, July 02, 2018, Virthli (ONP): Pi Remkim W/o Rema, Mission Veng, Hmarkhawlien chu Silchara a rengthei zawr lai chu a hnungtienga inthawkin vai pasal pakhatin chemte'n a sun. Chanchin ei dawng dan dungzui chun hi thil hi zan dar 6:30 vela tlung ani a, Pi Remkim hi vaipa hin tawngthalo in a hung biek vel a, Pi Remkim chun a lo rau a, vaipa chu fe hmangin, chemte leh hung kirin Pi Remkim chu a hnungtieng anthawk chemte in a hung sun a, a sun zo hin a chemte maksanin a tlan hmang nghal nia hril a nih. A ruolhan Pi Remkin hi Lamina Hospital, Pailapool an panpui a, a sun pawpna be hai thui zoin an chengna Hmarkhawlien tienga enkawl dinga thuoi phei a nih. Hi thiltlung le inzawm hin zinga hin Hmarkhawlien Joint Organisation chun hma a lak ding thu dawng a nih.
