Responsive Ad Slot

ADCC buoina le inzawmin Peaceful Protest nei, July 25 ah DC in meeting a ko

Tuesday, July 3, 2018

/ Published by VIRTHLI
CCPur, July 02, 2018, Virthli (ONP): Tulaia Autonomous District Council, Churachandpur (ADCC) buoina le inzawmin vawisun khan Thanlon hmunah MDC 14 haiin Peaceful Sit-in-Protest an neia, chun Mualnuam ah mipuiin peacefull rally an nei bawk. Hi protest hin CCpur DC Pu Shyam Lal Poonia, IAS in Government of Manipur, Hight Court le Supreme Court Order hai a zawm nawh, a bawzui nawh tiin an dema, Court in Order an suo dungzuiin floor test huoihawt raw seh ti hai an khekpui a nih. Tuta protest huoihawt pawlhai hin ADC Chairman Khaipao Haokip chu a Chairman nina anthawk pei dingin an ngen a, majority (MDC 14) anni thu an puong a nih. Tuta ADC Chairman chellai zing Khaipao Haokip a tieng hin MDC 12 an nih.


Hi thu le inzawm hin vawisun khan CCPur DC chun thusuok siemin hungtlung ding July 25, 2018 zing dar 11:30 ah MDC hai po meeting a koa, hi huna hin ADC Chairman peithlak ding le ding naw rel ani ding thu a tarlang a nih.

Don't Miss
© all rights reserved
made with by Simon L Infimate