CCPur, July 17, 2018, Virthli (ONP): Sinlung Hills Council (SHC) ṭhuoitu lienhai le Hmar Christian Leaders' Forum (HCLF) hai chu vawisun chawhnung dar 1 PM khan Sinlung Hills Council, Mizoram bultumin VTI Auditorium, Rengkai, CCPur ah inpawlkhawmna hun hmang a nih. Hunser hi HCLF Chairman Rev. Rohminglien Pakhuongte in a keihruoi a, Rev. Dr. Lalhmuoklien in hun hawng ṭawngṭaina a nei.
Pu LT Hmar, HPC(D) Working Chairman le SHC Chairman in thuhma le lawmlutna baka inremna lampui dap a Mizoram sawrkar le HPC(D) inbiekna le inzawma HCLF le Hmar mipuiin ṭawngṭainaa Pathien an lo buon puina le inbieknaa Hmar palaihai fe ding zata an lu chung haia kut innghata hnina-malsawm pekna an nei ziena thuah lawmthu a hril. CEM Upa Lalṭhalien in SHC hung inṭan dan le hmasuon mekhai kimchangtakin a hril bakah kawng iengkima kohran rawngbawltuhai malsawmna le ṭawngṭai pekna an mamaw thu le iengtik lai khawma thurawn ṭha an mamaw thu hrilin a ngen. Inremna palai laia bulṭhut remtu pawimaw tak, Dr. John Pulamte khawmin hun hmangin inbiekremna a hung um thei dan report a pek a. SHC ṭhat huntawk le hun naw chu a hmang le neituhai zir a ni ding thu a hril bawk. Rev. Lalhmingthang (EFCI), Rev. Dr. Huolthangsei Thiek, Rev. Lalhmingthang (ICI), Rev. Lalhmuoklien haiin lawmpuina thucha le infuina tawite te an pek a. Hun tawpna taka HCLF ṭhuoitu mi 11 haiin kut an inchel a, Rev. Rose Infimate in SHC CEM Upa Lalṭhalien le Chairman, Pu LT Hmar ṭawngṭai pekna a nei a, Zantieng lawmna ruoi kil tlang a ni bawk.
Pu LT Hmar, HPC(D) Working Chairman le SHC Chairman in thuhma le lawmlutna baka inremna lampui dap a Mizoram sawrkar le HPC(D) inbiekna le inzawma HCLF le Hmar mipuiin ṭawngṭainaa Pathien an lo buon puina le inbieknaa Hmar palaihai fe ding zata an lu chung haia kut innghata hnina-malsawm pekna an nei ziena thuah lawmthu a hril. CEM Upa Lalṭhalien in SHC hung inṭan dan le hmasuon mekhai kimchangtakin a hril bakah kawng iengkima kohran rawngbawltuhai malsawmna le ṭawngṭai pekna an mamaw thu le iengtik lai khawma thurawn ṭha an mamaw thu hrilin a ngen. Inremna palai laia bulṭhut remtu pawimaw tak, Dr. John Pulamte khawmin hun hmangin inbiekremna a hung um thei dan report a pek a. SHC ṭhat huntawk le hun naw chu a hmang le neituhai zir a ni ding thu a hril bawk. Rev. Lalhmingthang (EFCI), Rev. Dr. Huolthangsei Thiek, Rev. Lalhmingthang (ICI), Rev. Lalhmuoklien haiin lawmpuina thucha le infuina tawite te an pek a. Hun tawpna taka HCLF ṭhuoitu mi 11 haiin kut an inchel a, Rev. Rose Infimate in SHC CEM Upa Lalṭhalien le Chairman, Pu LT Hmar ṭawngṭai pekna a nei a, Zantieng lawmna ruoi kil tlang a ni bawk.
