CCPur, June 7, 2018, Virthli (ONP): Vawisun khan HSA GHQ thuoituhaiin CCPur SP thar Pu K. Kabib, IPS chu a post thar a hung hluo lawmpuina le inhmelhrietpuina hun a Office, Tuibong, CCPur hmun ah an nei. SP thar hi a posting na hmun thar CCPur a hung lut lawmpuinain Hmar puon insiltir a ni a, lawmum le hlu a ti thu a lo hril.
HSA le Police haiin țha taka hma lak tlang pei ding le thangtlang a, khawtlang that theina ding thil thawtlang pei dingin an hril bawk. Tuta SP post hung cheltu Pu Kabib hi CCPur ah post dang dang lo chel ta hlak ani a, CCpur ah vawithum a hung lutna a ni tah.
