Responsive Ad Slot

THLAITHAR LAWM

Sunday, July 8, 2018

/ Published by VIRTHLI
~ Jami Darngawn

✍ Kan naupang lai chun thlaithar lawm ding pha hin kan huon/leipuia kan fe hlak a, fanghma le dawnkhaw le thlai chi dang dang hai kan va lak hlak a, fanghma dam chu ei hang hmet a, a hnip chi ani naw chun kan lak dal hlaka, dawnkhaw khawm ei hang kik a anri chu a puok kang kang naw chun lak tlaka kan ngai nawh. Chun, vaimim khawm mimhnak le hnaklo khawm dit dan ang angin a um a, thlaihna khawm chi dang dang a um bawk a nih.


Tuhlak hin aw bazara ei inchawk el naw chun mani huon/leipuia va phur ti hai kha um ta lo a'na, amiruokchu Lalpân lo sinthawtuhai mal a sawm leia thlai chi dang dang ei la hmu/fak thei hi lawm a um hle a nih.

Pathienin Adam kuoma hienghin a lo hril a ;
Genesis 3:
17. Chun Adam kuoma chun,
“I nuhmei thu i zawm a, thing,
‘A ra i fâk ding an nawh,’ tia thu ka pek che kha, i fak leiin hnuoi hi nang a leiin È›awngsephurin a um tah a nih; i damsûngin inrimtaka sinthawin a ra chu fa tâng i tih.

Ei pi le pu Evi le Adam khan an lo thawsuol leiin vawisun hin nang le keiin inrimtaka sinthawin fak ei zawng pha tah a nih.

A thiem deu le a var deu hai chun khawpui ah sin inrimtaka thawin an fak le dawn ding chu an zawng ve a, țhenkhat ruok chun tharum tak meu meu insuoin losin thawin thlai chitinreng an ching vea, an fak ding an zawng/hmu ve a nih.

Awleh, thlai hai hi ara ei fak theina ding chun a chi kha hnuoia ei phuma chun a thi hmasa zet a ngai a nih. Chuongchun a thi der pha chun a thara hung inderin a hung ințhang tiel tiela, chutaka chun fak tlak a hung insuo hlak a nih. Chun, nang le keiin ei hringna ding le ei damna dingin thlai chitinreng hai (bu le bal) ei fak hlak a nih.

Tulai lem chu doctor han an min cha rawn tak chu hriselna dingin thlaihna, thlaira fak rawn ding ti a nih.

Genesis 3 :
18. Hling le buorhai khawm insuo pêk a ti che a,
Rama thlai chu fa tâng i tih.
19. I hmaia thlantui luong rak khawpin bu fa tâng i tih,
Hnuoia i kîr nawk hmâkhat chuh,
Hnuoia lâksuok i ni si a;
Pilvut i ni a,
Pilvutah i kîr nawk ding a nih,” a ta.

Ei pu le pi Adam le Evi kuoma thlai chitinreng fak dinga lo hriltu ei Pathien chun vawisun chena nang le kei ei thaw inrimsa khawm ni lo (abikin bazara thlai inchaw tuhai) ei du du ei dit dit ei inchawk/ei hmuthei hi Pathien le Lo sin thawtuhai chungah lawmthu ei hril mawl mawl a nih.

Thlai chitinreng hai Siemtu Pathien ditdan ang takin a tira inthawk vawisun chen hin ra an insuo zinga, an nina kha an theingil naw ang bawkin, nang le kei khawm ei nina inzapui lova mi Siemtu Lalpa Pathien inpak le chawimawi hi ei thupui nizing raw seh.

THLAI CHITINRENG HAI MI PETU EI PATHIEN CHU INPAKIN UM RAW SEH.
Don't Miss
© all rights reserved
made with by Simon L Infimate