Responsive Ad Slot

ZEO, Pherzawl Dist. hnuoia um Eco Club le School hai ta ding cheque le uniform pheikhawk inhlanna nei

Saturday, July 7, 2018

/ by VIRTHLI HMAR
CCPur, July 7, 2018; Virthli (ONP): ZEO, Pherzawl District hnuoia um Eco Club le School hai ta ding, SSA/RTE hnuoia mi cheque le uniform pheikhawk (shoes) hai chu vawisun July 7, 2018 dar 11:00 AM khan Tribal Hostel, Girls Block, HSA Campus, Rengkai, CCPur hmun ah inhlanna nei a nih. Chuonghai chu- Pherzawl, Parvachom, Senvon, Parbung, Bukpi, Songtal le Songsang Govt. H/S hai ta ding an nih.

Hi hun hi L. Taithul DI, Pherzawl District in Compere a ṭhangin a keiṭhuoi a, Pi Lalhminglien ZEO, Pherzawl District le Pi Mannuamching IAS, DC, Pherzawl District haiin thuhrilna hun neiin Pi Mannuamching IAS, DC, Pherzawl District chun Eco Club hai ta ding cheque le student hai ta ding school uniform pheikhawk hai chu an Headmaster chit hai kutah inhlanna a nei a. A thuhrilna hun a chun cheque pakhat peiin a sawm cheng 3,000/- hi hmanga school campus haia Thingkak 30 bek phun hring seng dingin ngenna a siem a, ZEO, Pherzawl District khawmin a thuhrilna hun ah hieng naupang inchûklai haiin hamṭhaṭna an dawng hai hi awlsam taka laksuok a ni naw thu le harsa taka laksuok a ni thu hai hrilin a dawngtu ding tak hai kuom ngei le a hmun ngei intlungtir seng dingin Headmaster hai chu a ngenin a'n hriettir a, hieng hai baka hin School iemani zat la sem nawk ding an la um thu le la sem zo vawng a la ni naw thu hai a hrilsa bawk.

Hi hun hi Pi Lalhminglien ZEO, Pherzawl District le ama hnuoia DI, AI, Staffs, Headmasters le Pu L. Thanzam Pulamte Secy., Pherzawl District Development Committee (PDDC) haiin an ṭawiawm a nih

Don't Miss
© all rights reserved
made with by Simon L Infimate