Responsive Ad Slot

H.P.C.(D) in development sinthaw a um hai sukbuoi lo dingin ngenna le inhriettirna a siem

Monday, July 2, 2018

/ Posted by VIRTHLI HMAR
H.P.C.(D) in development sinthaw a um hai sukbuoi lo dingin ngenna le inhriettirna a siem; a dodal zawnga hma lo la an um chun an chungah iengpo khawm lo tlung sien anni'n a maw phur ding

CCPur, July 2, 2018; Virthli (ONP): Josh Hmar, Commander, H.P.C.(D) Manipur Region in Date: 2/7/2018 ni a thusuok a siem a chun hieng ang hin a'n ziek:
--------------------
GOVERNMENT OF HMARRAM
HMAR PEOPLE'S CONVENTION (DEMOCRATIC)
Serve the Nation
GENERAL HEADQUARTER : SINLUNG

Ref. No. HPC (D)/MR/18/02
Date: 2/7/2018

Ahmasan, hieng chen chen mithuoitu Pathien kuomah lawmthu um raw seh.

Abik takin, Manipur State sunga mihai Hmar hnam ta dinga kasawl kakham tiloa vawisun ni chena hnam sin la thawtu, Hmar mipui hai inreng in Lalpa Isu hmingin chibai ka buk cheu.

India sorkar tlungpui khawma, ram le hnam ta dinga hmasawn dan ding a ngaituo angin ei chengna ei ram Manipur, Churachandpur phairuorn le Hmar biel le Vangai biel, abiktakin, development sinthaw meka um in fepawna ding, lamlien, leilak, sorkar office ding building, school building, water supply, M.I. project, programme dang dang ei Hmarram sung, sinthaw mup mupa um hi ram le hnam ta dinga hmasawnna a nih ti hriea mitinin tlawp tlat dinga inhriettir le ngen ei nih.

Abiktakin, mi tuelkhawm, ahmuna sinthawtu contractor le mistery hnam dang, vai le meitei khawm ni hai sien la, lo tlawp tlat dinga ngen le inhriettir ei ni bawk.

Hi thusuok pawisa loa, a dodal zawnga hma lo la an um ani chun an chunga iengpo khawm lo tlung sien an ni'n a maw phur an tih.

Ram le hnama in sin thawpui,

(JOSH HMAR)
Commander
H.P.C.(D) Manipur Region




Don't Miss
© all rights reserved
made with by Simon L Infimate