Responsive Ad Slot

Hnam hmusit zawnga post thedartu lakah Criminal complaint thelut a nih

Monday, July 16, 2018

/ Posted by VIRTHLI HMAR
Aizawl, 16 July, 2018, Virthli (ONP): Hmar Students' Association (HSA), Joint Headquarters, Aizawl chun vawizan dar 12:30 khan Hmar hnam hmusit le deusaw zawnga WhatsApp group ṭhenkhata hai thu thedartu mi pathum lakah Bawngkawn Police station ah First Information Report (FIR) thelutin Criminal case a siema, dan ang taka anphu tawk hremna pe dingin thuneituhai an phut bawk a nih.


Hriet thei chinah mi 3 hieng - Maneiha Bochung, Mahmuna Chalthleng le RL Chhanhima inti hai hin WhatsApp group ṭhenkhata unau thenkhat Lakhipur, Cachar, Assam tieng anthawka hungin mi ina dam domestic servant/house maid in an uma, thil inruk an hrat si a, khel hril an hrat bawka tiin "Hmar ho (hai) tiin Hmar hnam hmusit zawngin thu an thedara, chulleiin HSA chun hi chungchang hi ngai thutakin, pawi a ti hlea, hnam inhmusitna bakah zohnathlak impumkhatna suksie thei thil a ni leiin hi thu thedartuhai hi an rang thei anga suisuok an nia, hremna pek an ni thei ngei na dingin Criminal case a zieklut tah a nih. Hieng mi 3 hai hi IPC Section 153 'A' hmangin thubuoi siem khum an nih.

HSA chun mitin ṭawng lo fimkhur dingin a ngen nghala, hnam anga ṭhangtlang seng dingin mitin a fiel nghal bawk a nih. Hienglai zing hin Facebook ṭhenkhat hieng "Hmar Biggest Fiemthu" le a dang dang- hnam indeusawna post siemna hlak hai chu case siemkhum thei a ni leiin HSA chun an rang thei anga suktawp (close down) dingin group siemtu hai a ngen nghal bawk thu, ei thulakna chun a hril.
Don't Miss
© all rights reserved
made with by Simon L Infimate