CCPur, July 13, 2018; Virthli (ONP): Sinlung Hills Council (SHC) sawrkar lailawk (interim) a roreltu ding, palai/member Mizoram Sawrkar i ruot member 2 le HPC (D) i ruot an rengin mi 14 hai sukfel theia a hung um hnungin July 13, 2018 sun chawhma dar 10:00 AM a Dr. A Mathumma Deputy Commissioner, Aizawl a Office chamber a ringumna thu intiemkamna hun (swearing-in ceremony) nei theia a hung um tah le sun chawhnung dar 1:00 PM a Session hmasatak khawm Sinlung Hills Development Council (SHDC) Office, Aizawl a nei thei nghal a um chu Hmar Inpui, General Headquarters (Hmar Supreme House) chun lawmum a ti thu le mipui beiseina hung sukpuitling theitu nia, SHC mipui, ram le hnam hmasawnna intluntu hung ni ngei dinga SHC a beisei thu puongin, a ditsakna insangtak a'nhlan.
