Responsive Ad Slot

SHDC in hun tawp hmang, Chairman le Council member hai inthlana nei

Friday, June 1, 2018

/ Published by Simon L Infimate
Aizawl, June 01, 2018, Virthli (ONP): Kum 1997 a indin Sinlung Hills Development Council (SHDC) chun Ningani (May 31, 2018) khan a hun tawp a lo tlung tah a, hi le inzawm hin Chairman fe suok ding Pu Hmingchungnunga le Council Member 17 hai inthlana hun Daifim Picnic Spot, Aizawl ah SHDC staff hai huoihawtnain nei a nih.

Hi huna hin inpawltlangna neiin hun hlimum tak hmang ani a, Chairman le Council Member fe suok dinghai ngaihruina (ngaihlutna) citation inhlan an ni baka, Pu Hmingchungnunga le mi dang dang anthawkin thuhrilna hun hmang ani a, zantieng ruoi inhnik tak el kiltlang a ni bawk.

SHDC hi July ni 27, 1994 a Mizoram sawrkar le HPC inremna dungzuiin April ni 27, 1997 khan indin ani a, Council Chairman hmasatak chu Pu Lalrosiem a nih. Pu Hmingchungnunga hin a hun sung khan vawithum (term 3) lai Chairman a lo chel a nih. SHDC a hin Chairman bakah Council Member sawrkar i ruot 3 á¹­hangsa in 17 an uma, staff 24 le Secretary (sawrkar ruot) 1 an um a nih.
Thulakna in a hril danin staff  hai hi a remchang dan izirin Sinlung Hills Council (SHC) hnuoiah anthawk sunzawm (absorb) pei ding a nih.


Chanchin ei dawng danin hnam á¹­huoitu 3 HPC (D) Working Chairman Pu Lalthanglien @LT Hmar, Upa Lalá¹­halien le Dr. John H Pulamte hai chu tulai hin Aizawl ah chamin SHC council chungthuah Nilaini khan Home Department a Additional Secretary Pu Lalbiakzama an inhmupuia, Ningani khan Home Minister Pu R. Lalzirliana an inhmupui bawk a nih.

Pu Lalá¹­halien in Virthli palai a hril danin Interim Council á¹­an thei hun chu karnawk Thawá¹­anni hin suk fel thei an beisei thu a hril a, Thawá¹­anni vek hin Cabinet iná¹­hung an ta, hi huna hin SHC Bill pass ding chungchang an hriltlang beisei a nih.

Rehabilitation chungchang bikah Virthli palai zawna dawnin Pu Lalá¹­halien chun Home Department chun cheque hai a lo siemfel diem ta a, sienkhawm HPC cadre hai mimala hunga sawmdawlna hung lak a remchang naw ding a ni leiin, a hlawma Council kutah pe suok el dingin sawrkar an ngen thu a hril a, karnawk Thawleni hin inpek fel an beisei thu a hril.

Thulakna dangin a hril danin May ni 11 khan HPC(D) chun Council member dingin mi 24 hming an lo thelut lawk ta a Ningani khan Home Minister kuomah council member ding zat leh inmil thlapin hming an peklut nawk thu dawng a nih.

SHC a hin sawrkar i ruot 2 á¹­hangsa in mi 14 um an ta, Chief Executive Member (CEM) 1, Chairman-1, Deputy Chairman-1, Executive Member (EM)-4, Member 5 + nominated member 2 ning an tih.
Don't Miss
© all rights reserved
made with by Simon L Infimate