Responsive Ad Slot

UPF in an Chairman famtah Pu Lalropui an ral

Thursday, May 31, 2018

/ by Simon Infimate
CCPur, May 31, 2018, Virthli (ONP): Vawisun dar 12 a inthawk zantieng khan United People's Front (UPF) chun BP Stroke leia May 21, 2018 zana fam lo chang tah an Chairman le Army Chief, HPC (D) Pu Lalropui @Puia ralna hun ursun takin a chengna in, Saikot, CCPur ah an nei. Hi hun a hin Pu S.T. Thangboi KNF, Pu Thanglianpau, ZRO, UKLF a'nthawk le mi dang dang haiin thuhrilna hun an nei a. Rev. Stephen Chinzathang in (L) Pu Puia sunghai ta dinga ṭawngṭai pekna hun neiin, a nuhmei le nauhai ta ding  bika ṭawngṭaina nei a ni bawk.


UPF hin Bawng pakhat that bakah Nga le Ar hai thatin an ral a, hi huna thuhriltu hai chun Pu Puia in UPF ta dinga a hmathlir hai inthûkzie le abikin Hmar hai ta dinga an pekna ropui zie, hnam a'n vawi zie le hmar hnam chau nilo zohnathlakhai ta dinga a'n pekna ropui zie hai an hril tawl. Chun, Pi Nemcha Kipgen Minister, Manipur in an pa fethlengin ralna Saipikhup puon a'n hlan bawk.

UPF a'nthawk hin Executive Members le an rawihai an ṭhang a, Saikot le a sevela sungkhat-laina bakah Hmar Inpui hnuoia affiliated body hai an ṭhang tawl. Hi hun a hin Chandel, Kangpokpi, le CCPur a UPF ṭhuoituhai an ṭhang kim hle.

Don't Miss
© all rights reserved
made with by Simon L Infimate