Responsive Ad Slot

HSA, Muolvaiphei Unit in Pawl X le XII Pass hai Lawmpuina an nei

Saturday, June 16, 2018

/ Published by VIRTHLI
CCPur, June 16, 2018, Virthli (ONP): June 16, 2018 sun dar 10:30 AM khan Hmar Students' Association (HSA), Muolvaiphei Unit chun Muolvaiphei Youth Club (MYC) Hall ah an Unit/Khawsunga Pawl X le XII pass hai lawmpuina program an hmang. Pawl X ah 37 le Pawl XII ah 25 an pass a nih. Anni lai hin Pawl X ah Lalhmangaisang Pangamte 81.3% le Pawl XII ah Harmon Ramthienghlim 67.9% (Science) hai chu Topper niin Memento inhlan anni a, a dang hai po Certificate inhlan an nih.


Hi huna hin Khuollien hran a um naw a, Special Guest in Mr. Lalthanzau Hmar President, HSA-JHQ CCPur fiel a nina angin a ṭhang a, a thuhrilna a chun member hai chu an hmadawn ani ang hrimin hi neka nasa nawk zuola inchûkna tienga ṭhang la dingin a'n fui a, hlawtlingna chang hai popo a lawmpuiin hmatieng peiah ram le hnam ṭhuoitu ditum tak hung ni dingin a ditsakna a'nhlan. Hi hun a hmangpui lei hin Memento mawitak el an lo inhlan a nih.

Hi huna hin Comperes in Michael Lalneihlun & Steffi Fimremmawi hai an ṭhang a, Opening prayer Lalrohlun Hrangchal, Secy. Village Authority in a nei a, Welcome Address Florence Phirthangmawi, HSA Comm. Member in a nei a. Presentation hun Gospel Lungtau le Felicitation of Successful Students hun chu Samson Lalhnelien haiin an hmang a, Resource Person David L. Lungtau, Asst. Prof. Dept. of Pol. Sc., Lamka College in Speech/Career Guidance hun a hmang a, hlawtlingna changhai Ṭawngtaipekna le Closing Prayer Pastor Jacob L. Hmar in a nei a, Vote of thanks chu Christopher Zarzosang in a nei a nih.

Don't Miss
© all rights reserved
made with by Simon L Infimate