CCPur, June 12, 2018, Virthli (ONP): June 9, 2018, 4 PM vel khan HPC(D), Anti Drugs Cell chun Mr. Thangneilien S/o Lalremmawi of Edenthar, Rengkai, CCPur chu a damdawi inruithei zawr lai leh an man. A kut a inthawk hin Heroin (No. 4), Funte 26 pieces man a nih. Zilhauna le Warning pek a ni hnungin insuo nawk a nih tiin HPC(D), Anti Drugs Cell a inthawk thu ei dawng.
Tulai hnai el khan Josh Hmar, Town Commander, HPC(D), Churachandpur, Manipur Region,
Camp: Sinlung chun Khapna Thupek le Inhriettirna thusuok a lo siem tasa a nih. Chutaka chun hieng ang hin a'n ziek: Tuiṭhaphai a HPC(D) Operational area sung ah inruithei uolau le mawilo taka zawr le thaw hlak an um ti HPC(D) Anti Drugs Cell chun report a dawng bawzuinain June 6, 2018 a inthawk hrattaka hmalak mek ani a, a khap hmak thu a puong zui nghal. Hieng anga uolau taluo a inruithei zawr le thaw ngam hai hi naupanghai hmu hmu ding khawma thil ṭhalo tak a ni leiin an thil ching tawpsan dinga khapna thupek le inhriettir an nih. An tawpsan naw a, man an lo ni a ieng thil po an chunga a lo tlung khawmin anni mawphurna le ditthlangna ning a ta, thubuoi siemin hril thei nei naw ni hai ti le Inruithei leia buoina tlung le an zawmpui ruk inrukna hai khawm hi khapna thupek le inhriettirna hin huom sang a tih ti hai a ṭhang.
Tulai hnai el khan Josh Hmar, Town Commander, HPC(D), Churachandpur, Manipur Region,
Camp: Sinlung chun Khapna Thupek le Inhriettirna thusuok a lo siem tasa a nih. Chutaka chun hieng ang hin a'n ziek: Tuiṭhaphai a HPC(D) Operational area sung ah inruithei uolau le mawilo taka zawr le thaw hlak an um ti HPC(D) Anti Drugs Cell chun report a dawng bawzuinain June 6, 2018 a inthawk hrattaka hmalak mek ani a, a khap hmak thu a puong zui nghal. Hieng anga uolau taluo a inruithei zawr le thaw ngam hai hi naupanghai hmu hmu ding khawma thil ṭhalo tak a ni leiin an thil ching tawpsan dinga khapna thupek le inhriettir an nih. An tawpsan naw a, man an lo ni a ieng thil po an chunga a lo tlung khawmin anni mawphurna le ditthlangna ning a ta, thubuoi siemin hril thei nei naw ni hai ti le Inruithei leia buoina tlung le an zawmpui ruk inrukna hai khawm hi khapna thupek le inhriettirna hin huom sang a tih ti hai a ṭhang.
