Responsive Ad Slot

Citizenship Amendment Bill 2016 le inzawmin Assam CM in AASU le 28 Indigenous Organization-hai inbiekpuina a nei

Saturday, June 2, 2018

/ Published by Simon L Infimate
Guwahati, June 2, 2018 | Virthli (ONP): June 1, 2018 zantieng dar 03:00 PM khan Shri Sarbananda Sonowal, Honourable Chief Minister Of Assam keihruoina hnuoiah Assam Staff Adminstrative College, Guwahati hmun ah AASU le 28 Indigenous Organization Assam hai le Meeting nei a nih. N.C Hills District an'thawk N.C Hills Indigenous Students' Forum Hnam 9 Inzawm khawm (Hmar, Kuki, Zeme, Biate, Vaiphei, Karbi, Hrangkhawl, Rongmei le Khasi) hai khawm fiela an um angin an ṭhang ve. Hi meeting hi liemtah 29th May 2018 ni a Guwahati hmuna Mass Hunger strike nei le inzawma ko an nih. Hi huna hin AASU le 28 Indigenous Organization hai Chun Assam Chief Minister kuoma hin Memorandum an pêklût bawk.

1. Citizenship Amendment Bill 2016 hi hnawl dinga ngênna siem a um chu CM in hung khawm Palai hai kuoma chun Union Home Minister Shri Rajnath Singh le Delhi a an meeting-na le Central Sawrkar-in Assam mipuihai interest kal zawngin iengkhawm an thaw tum naw thu chieng takin a hril a, Sawrkar ringzo a buoina siem loa inremna le muongna in um tir dingin a ngên bawk. Students Palai fekhawm hai chun Meghalaya Cabinet in Citizenship Bill an dit naw thu thutlûkna an lo siem ang bawk a Assam Cabinet khawma thaw ve ngei dinga an phût chu Assam Chief Minister chun Cabinet-in an opposed ding thu a chieng takin a hril thei naw leiin Students Palai fekhawmhai chu an lung a awi naw hle. Chun Citizenship bill 2016 hi Sakhuo inthlîerhranna a nih a, chun Hindu Bangladeshi India a kum 7 chen lo um ta hrim hrim hai India mi nina pêk a tum hi Assam Accord a mi tu ang khawm ieng sakhuo khawm zuitu nisien 25th March 1971 hnunga hung hai reng reng chu foreigner anga ngai ding ti a lo ni leiin Assam Accord kal zawng hrim hrim Assam mipui chun an remti pui naw ding thu an hril bawk.

2. Bangladesh le ramri ṭha tawk taka siem dinga ngênna siema lo um ta chu CM Chun Central Goverment in pawisa a lo hung insuo ta thu hai hrilin, Central Sawrkar in an siem dân ding hai ziek ngeia an hung thawn hai chu tiem langna a nei, chun sin hai khawm ṭan zing an ta thu a hril bawk.

3. NRC Chungchâng chu 30th June a final draft suksuok a ni ding thu hrilin chun a suok zo thlakhat sûng hun hawng ning a ta, chu sûng chun sukdikna le a um naw hai inzieklutna hai nei ning a tih, tiin a hril bawk. Students Palaihai chun NRC hi error free a ni ngei ding a nih, ti a an ngênna a chun NRC a hin Bangladeshi hming reng reng a chuong naw ding a ni ti le NRC final draft suok ding leia buoina a lo suok thei ngai ti hi DC le SP popo nasa nawk zuola fimkhur dinga inhriettir ni raw seh ti a ni bawk.

4. UPA Government khan Assam rama Bangladeshi um popo zât kha 50 Lakhs vêl dinga hril a ni a, hi le Inzawm hin CM kuoma Assam rama Bangladeshi mi um popo zât an indawn ruok chu confidential thil a la ni leiin hril thei a la ni naw thu a hril bawk.

5. Assam Accord dungzuiin clause 6 a ziek a lo um tah angin Indigenous people-hai Constitutional safeguard dân siem dinga ti anga sukpuitling dân ding thu a chu CM chun State power-in a theinaw leiin Central Sawrkar kuoma Assam mipui aiin lo intlun ka ta, sukfel vat a ni ngei ding a nih, a ti bawk.

6. Students Palai-hai chun Goverment of India le Bangladesh Goverment in inremna á¹­hatak siemin Assam rama Bangladeshi mi um hai hi Bangladesh a tir kir anni dan ding thu a frame work agreement á¹­ha tak siem dinga demand chu CM in Higher Authority hai a lo in tlun ding thu hrilin Assam mipui ta dingin a theitawp a'n suo pei ding thu a hril bawk.

AASU le 28 Indigenous Organization hai chun Meeting ṭina hin Students Palai fekhawm hai popo chu AASU Office a in hmukhawm nawkin 29th June 2018 hin Assam rama Indigenous Organization popo haiin Mass Protest Rally Guwahati hmuna nei dingin thu tlûkna an siem bakah hi huna hin hnam tin mani hnam in thuom senga a tam thei anga fekhawm dinga beisei an ni thu ei palai a inthawk chanchin ei dawng bawk.
Don't Miss
© all rights reserved
made with by Simon L Infimate