Hmarkhawlien, May 15: Hmar Martyrs' Trophy 2018 Semi-Final, Second Match ah Sinlung Club le Lamlien Veng FC hai an inkhel a, inkhel hun pangngai a tawp hman Referee in foul a lak chu a laksuol ah intumin Lamlien Veng FC hai an nuor a, Sinlung Club haiin score um ta sa 2-1 hmangin hratna an chang.
Hnam pasalthahai puola HYA, Hmarkhawlien Branch in a buotsai Hmar Martyrs' Trophy Semi-Final Second match hi mipui thahnem takin an thlir a. Nunghak pali in "The 29th Hmar Martyrs' Trophy 2018" inziekna banner a ki chita hung chelin inkhel ding team pahni player hai hi field sung an hung thuoilut a. HYA, Hmarkhawlien Branch president Pu Dolur le Chief Guest Pu Gauzalam Gangte; Principal, PMS Junior College haiin player hai chibai bukna an nei a. Referee Lalhimthang le linesmen Korneli Faihriem le Malaki haiin inkhel an thunun a. Referee in silent prayer hunser a hmangpui zovin inkhel tan ngal a nih.
Inkhel 10 minutes a liem ti ding ah Lamlien Veng FC haiin Goal an thun a, amiruokchu linesman Malaki in offside a lak leiin goaled a pawm a ni naw a. Game hmathuoitu um lovin inkhel an inang pei a. First Half tawp hma minute tlawmte la um ah Lamlien Veng FC anthawk Gingai in Goal a thun ta tho tho a. Sinlung Club tienga inthawk khawmin theitawp suoin an nawr ve zing a. Lamlien Veng FC; D-Box line bula player hai an inbawbuoi chu Referee in foul a lak a. Sinlung Club haiin penalty an hmu a. Nathaniel in a pet a, a pet goaled a. 1-1 in first half inkhel a tawp a.
Second half inkhel an hang tan nawk a. Hun iemani chen goal thun sap um lova inkhel a liem hnungin a tawp ah Sinlung Club tienga inthawk Hmunlawmum in goal a thun a. Sinlung Club fans hai chu goaled lawmin an khek dur dur a. Buoina um lovin inkhel a fe pei a. Inkhel hun pangngai 10 mins la bak ah Referee in foul a lak nawk chu, a laksuol nia intumin Lamlien Veng FC fans, thangnat leia lungsen insumzo lo hai chu field sung an tlanlut a. Referee an suosal a. Organising Committee chun buoina chingfel tumin hma a lak ve nghal a. Referee khawm chun sawiseltu tieng hai chu free kick a pek ta lem a. Inkhel zunzawm dinga player hai an vawikhat hang insingsa nawk chu Lamlien Veng Fc Manager Pu C Lienkhum in a player hai inkhel sunzawm ding chu a remti ta naw a. Fans tienga inthawk inkhelzawm ta lo dinga pressure a hung tam ta bawk leh an player haiin uniform an hlip a. Field an suoksan a, in tieng an inlawi ta a.
Inkhel hun pangngai a hung tawp a. Inkheltu ding team an kim ta naw hnung chun Referee in inkhel hun tawpna whistle a mut a. Sinlung Club haiin score an nei ta hnung 2-1 hmangin an khingpui Lamlien Veng FC lak ah hratna an chang ta a nih.
May 16 - Hmar Martyrs' Day zantieng dar 4 khin Hmar Martyrs' Trophy 2018 final match um a ta, Hmar Mongoloid FC (C) le Sinlung Club hai an inkhel ding a nih. (input:THT)
Hnam pasalthahai puola HYA, Hmarkhawlien Branch in a buotsai Hmar Martyrs' Trophy Semi-Final Second match hi mipui thahnem takin an thlir a. Nunghak pali in "The 29th Hmar Martyrs' Trophy 2018" inziekna banner a ki chita hung chelin inkhel ding team pahni player hai hi field sung an hung thuoilut a. HYA, Hmarkhawlien Branch president Pu Dolur le Chief Guest Pu Gauzalam Gangte; Principal, PMS Junior College haiin player hai chibai bukna an nei a. Referee Lalhimthang le linesmen Korneli Faihriem le Malaki haiin inkhel an thunun a. Referee in silent prayer hunser a hmangpui zovin inkhel tan ngal a nih.
Inkhel 10 minutes a liem ti ding ah Lamlien Veng FC haiin Goal an thun a, amiruokchu linesman Malaki in offside a lak leiin goaled a pawm a ni naw a. Game hmathuoitu um lovin inkhel an inang pei a. First Half tawp hma minute tlawmte la um ah Lamlien Veng FC anthawk Gingai in Goal a thun ta tho tho a. Sinlung Club tienga inthawk khawmin theitawp suoin an nawr ve zing a. Lamlien Veng FC; D-Box line bula player hai an inbawbuoi chu Referee in foul a lak a. Sinlung Club haiin penalty an hmu a. Nathaniel in a pet a, a pet goaled a. 1-1 in first half inkhel a tawp a.
Second half inkhel an hang tan nawk a. Hun iemani chen goal thun sap um lova inkhel a liem hnungin a tawp ah Sinlung Club tienga inthawk Hmunlawmum in goal a thun a. Sinlung Club fans hai chu goaled lawmin an khek dur dur a. Buoina um lovin inkhel a fe pei a. Inkhel hun pangngai 10 mins la bak ah Referee in foul a lak nawk chu, a laksuol nia intumin Lamlien Veng FC fans, thangnat leia lungsen insumzo lo hai chu field sung an tlanlut a. Referee an suosal a. Organising Committee chun buoina chingfel tumin hma a lak ve nghal a. Referee khawm chun sawiseltu tieng hai chu free kick a pek ta lem a. Inkhel zunzawm dinga player hai an vawikhat hang insingsa nawk chu Lamlien Veng Fc Manager Pu C Lienkhum in a player hai inkhel sunzawm ding chu a remti ta naw a. Fans tienga inthawk inkhelzawm ta lo dinga pressure a hung tam ta bawk leh an player haiin uniform an hlip a. Field an suoksan a, in tieng an inlawi ta a.
Inkhel hun pangngai a hung tawp a. Inkheltu ding team an kim ta naw hnung chun Referee in inkhel hun tawpna whistle a mut a. Sinlung Club haiin score an nei ta hnung 2-1 hmangin an khingpui Lamlien Veng FC lak ah hratna an chang ta a nih.
May 16 - Hmar Martyrs' Day zantieng dar 4 khin Hmar Martyrs' Trophy 2018 final match um a ta, Hmar Mongoloid FC (C) le Sinlung Club hai an inkhel ding a nih. (input:THT)
