Responsive Ad Slot

Guwahati ah Hmar Martyrs’ day ursun taka hmang anih

Wednesday, May 16, 2018

/ Posted by Lalrintluong Kungate
Guwahati,May 16, 2018: Hmar welfare Society Guwahati(HWSG) huoihawtna hnuoia zingkar dar 7:00am in EFCI Mission Centre, Pillangkata ah programme hmang ania, Guwahati a Hmarnau iemanizat fekhawmin Hnam ta dinga Martyrs hai sunna nei anih. Programme hi Pu Lalremthang Khawzawl(Asst. Secy. HWSG) in keihruoiin, opening song a Martyrs’ Day hla sak ania chu zoa Flag kei pharna Pu Lalzuithang Hrangate (Vice Chariman) in anei bawk anih.

Programme fe peiin Pu CS Daniel (Secretary, Property, HWSG) in thuhrilna neiin Hmar Hnam tading hringna chan hai thukhawchang chiepchir takin hrilna anei a,a hril pei naa chun Hmar Martyrs’ Day hung suokna san tak chu hmar movement leia hringna chan hai lei ani atia, chu elnaw khawm Dimasa le ei buoi khan hringna tamtak ei chan bawka, Kuki le Hmar buoilai khawm khan hringna chan ei um bawk,chu leiin vawisuna ei programme hmang hi Hnam ta dingin hringna chanpopo hai sunna ni ani tiin a hrilbawk ani,hril zawm peiin Hmarnau hai hi Hnam ta dingin ringum takin um ei tiu a,inchukna tieng khawm nisien nasa nawkzuolin thang la inla, ram lak len na ding chun Sawrkar thawktu nei rawn hi atha ani ati bawk. Pu Lalremthang Khawzawl(Asst. Secy. HWSG) khawma hun tawite neiin tuta Hmar Martyrs’ hi hnam ta dinga hringna chan hai popo sunna ni tiin ahril ve bawk anih. Closing song “Kan Tlangram” ti hla sak zoin Pastor Lalmuongthang Ṭhiek (Bieltu Pastor, EFCI Pillangkatta & Adviser, HWSG) in tawngtainan hun akhar anih

















Don't Miss
© all rights reserved
made with by Simon L Infimate