Responsive Ad Slot

HMARTOB: HMAR MIPUI KUOMA INHRIETTIRNA LE NGENNA

Wednesday, May 16, 2018

/ Published by Simon L Infimate
HMAR MIPUI KUOMA INHRIETTIRNA LE NGENNA

Office of the
Hmar Martyrs' Trophy Organising Board
General Headquarter: Saikawt, Churachandpur, Manipur
Motto: Inthuruolna, Inpumkhatna


Hmar Martyrs’ Trophy Organising Board (HMARTOB), Gen, Hqrts chun May 16, 2018 a 28th Hmar Martyrs’ Day inser a um ding leh inzawm hin, khawvel hmuntina um Hmar nau zalenghai le hi ni mi lo hlutsakpuitu taphawt Chibai a buk cheu.

Vawisun May 16, Hmar Martyrs’ Day ei hmangna ding le inzawm hin, hnam tadinga thlunglu lo chan ta hai ei hriet zing le ei inza zie suklangna dingin Hmarhai chengna biel huop sunga Office, School/College/University, Sumdawngna hmun, Bazar le Dawr hai po po mi lo khar pek dingin ei inngen a. Kum dang ang bawkin in milo zawm pek kan beisei. Chun, mani gate annawleh, a remchangna hmun takah Hmar Martyrs’ Day Flag tar seng dingin ei in fiel, flag neilo haiin Hmar puon a ngul chenve a tar seng dingin ei in ngen a. Martyrs' Day program hmang dinga fe taphawt hai chun mani hnam thuom pakhat bek inbela fe seng dingin ei inhriettir bawk a nih.

May 16 Hmar Martyrs’ Day a hung tlung hin, ram le hnam tadinga hringna hlu tak lo inhlan tah hai kan ngaisangna cheu a zuol takzet. Nghilni reng um ta ngai naw’ng in tih. Nangni hai zarin ei hnam hin par anga vul ni la nei ngei a tih.

Mihrang fam lo changhai, in ta di’n hun le ni
A tharin kan hung inhlan cheu;
Hmar nau zaleng ruolha’n May 16 hi,
Martyrs’ Day ti’n kan inhlan cheu.

Hnam tadinga in thawpui,

Sd/-
(LALVULLIEN HMAR)
Chairman, HMARTOB

Sd/-
(ALAN FAMHOITE)
Secretary, HMARTOB


Don't Miss
© all rights reserved
made with by Simon L Infimate