Responsive Ad Slot

Saiphai ah Hmar Martyrs Day inser; Khuollien in Pu Hmingchunghnung

Wednesday, May 16, 2018

/ Published by Simon L Infimate
Saiphai, sinlung Hills, May 16, 2018, Virthli (ONP): Saiphai, sinlung Hills ah Martyrs Day inserna hun hmang a nih. Hi hun hi indoor le outdoor a the niin, outdoor prokram chu zing dar 10 ah tan a nih. Hun hmasa tieng Pu Lalthlirlien Secretary, HSA Sinlung JHQ in mipui hai lawmlutna le Martyrs Day intan dan felfai tak le ngainuomum takin hrilna a neia, hnam ta dinga hringna lo chan ta hai inzana suklangna in Parthi inhlanna hun le Sunna hun hmang a nih. Hnam Lam chi dang dang ennuomum tak tak en ani bawk.

Indoor program in zuiin, martyr hai puolin hun hmang ani a, hi hun a hin Pu Hmingchunghnung Chairman, SHDC chu Khuollien niin Pu H. Neikhum Adviser, HSA Sinlung Hills JHQ chu Khuol inzaum a nih.

Khuollien Pu Hmingchunghnung in thuhrilna neiin, hnam hmasawnna ding chun pawl inthena hi ei suk bo a tul a, tuta Mizoram sawrkar le HPC (D) haiin agreement an lo ziek tah Sinlung Hills Council hi lawm taka lo pawm seng dingin mipui hai an cha. 1994 Accord supersede ani leia lungawilo an um ti a hriet chu pawi ati thu hrilin, accord lo supersede hai sienkhawm Mizoram in ami bat, developmental schemes hrang hrang hai chu legal le political means a la nawr suok thei ani thu a hril bawk.

Khuol inzaum Pu H. Neikhum khawma thuhrilna neiin, Mizoram sawrkar le HPC (D) haiin MoS an lo ziek hai chu a tlangpui hrilfiena mipui lai a neia, Hnam anga ei hmalakna ah inthuruolna le ringumna nei a tul zie a hril bakah Martyrs day hmang ani nasan le a hlutna hai a hril sa bawk.















Don't Miss
© all rights reserved
made with by Simon L Infimate