Responsive Ad Slot

28th Hmar Martyrs’ Day inserna le Sinlung Hills Council lâwmna Parbung ah

Wednesday, May 16, 2018

/ by Simon Infimate
Parbung, May 16, 2018, Virthli (ONP): Mani inlum le khuo le-vênghai mâksana, Hmar Hnam ta dinga pasalțha fam lo chang ta hai hrietzingna niser pawimaw tak, Hmar Hnamin Kum 1991 a’nthawka kum tina alo inser hlak ‘Hmar Martyrs’ Day May 16’ chu Pherzawl District sûnga Hmar khuohai a khawm ni khâma hmang ani tlângpuia. Hmar Saron Damdiei le Parbung khuo a hai lem chu ân ursûn bîk hle a, zân programme-hai khawm hmang ning a tih.


Parbung khuo bîka hun hmangna a hin, Sinlung Hills Council khawm thingpuiin mipuiin lawmna hun an hmang bawk. Parbung khuo mi-bîk hai Pu Chalrosung, Parbung Authority Court-in Val-upa sin chel dinga a ruot hmasatak le Hmar Inpui, Hmarram Region President hmasatak, (L) Thangțhuom, Compounder, (L) TK Buongpui, (L) F Tuothang Songate – Hnam Pasalțhahai ta dinga hla mawi tak tak lo phuoktu, Pu Thangsawihmang – lekha ziek thiem le mithiem, mipuiin ân ngainat zie le ân theinghilnaw zie suklangna’n Chawimawina Thuziek hai inhlan ân nih. Tukuma Parbungin lo ân raw huna khuosûnga kângmei hung lût; mipui inpung hma a, thi huoma khuosûnga mei hung lût ding lo țhelmit tuma tlawmngaina sin lo thawtu naupangte 2 Mr Francis s/o Roland Songate le Philemon s/o Siarjohn hai khawm chawimawina sumfai VA in ân hlan. Hnam Lâm HYA Cultural Troup â’nthawk le lâm puma Pathien inpâkna hlasak Parbung PMS School naupanghai a’nthawk le Pu Lalnuntluong le Pi Lalneihlim hai khawma Martyrs Day hla sakna ân neia, Khuosûng VA hai le Val-upa hai a’nthawk khawma thu țha tak tak ngaithlâk anih.
-Lalruotlien Hmar.
Don't Miss
© all rights reserved
made with by Simon L Infimate