Responsive Ad Slot

Know FAST: The 15th Manipur State Level-Hmar Martyrs' Trophy 2018 (Football) Champions FAST

Thursday, May 17, 2018

/ Posted by Simon L Infimate
Know FAST: The 15th Manipur State Level-Hmar Martyrs' Trophy 2018 (Football) Champions FAST
(4 Times Finalist)

Rengkhawpui, May 17, 2018: "Together Until Triumph" ti thupui/thiltum a neitu Friendship Athletic Sporting Team (FAST) hi Rengkai khuo, CCPur besan club/team niin 1997 a kha indin ṭan a nih a, football tournament dang dang haia ṭhang ve hlak in Cup/Trophy/Lawmman khawm iemani zat an lo dawng ve ta hlak a nih. An Player hai khawm club/team dang dang in an lak (hire) lawr ve hlak a, Local/District le State el khawm nilo National le International a inkhel phak tah khawm umin Germany, China, Bhutan etc haia inkhel ta khawm an um bawk.

May 16 Hmar Martyrs' Day le inzawm a Manipur State Level-Hmar Martyrs' Trophy (Football) 2013, 2014 le 2017 haia khan Finalist lo niin Runner Up anni hlak a, 2018 hin Finalist ni nawkin FC Rengkhawpui chu 1-0 (Full Time) a hnein an thupui le thiltum- "Together Until Triumph" ti a ni ang hrimin an bei fan fan a, Champions an hung ni thei tah a nih. FAST hi Manipur State Level-Hmar Martyrs' Trophy (Football) a 4 times finalist ni thei la umsun le tuchen a sinsie tlak chanchin siemtu an nih.


FAST le FC Rengkhawpui hai hi an inbei tawk hle a, chuong lai zing chun Full Time ah FAST 1-0 FC Rengkhawpui a siemtu chu FAST player hai ṭhangruol thiemna lei a ni zing laiin hratna Goal Score-tu chu Dr. Aldrin Cornelius Laldinsang Pudaite aka Cornel a nih. Ama hi medical doctor niin footballer ṭha le inlar ve deu a nih a, club/team dang dang haia inkhel hlak a nih. Viva Chennai le a dang dang tadinga a khel lai khawm mi suongum niin a ṭhangkai thei hle a, a ṭhangna club/team tadinga mi ṭhangkai tak hung ni peiin a player chanpui hai nat le insuk pal hun haia khawm ama doctor nina hin thlamuongna a pek belsa pei hlak a nih.

FAST hi 2016 khan CCPur District a CDSA hnuoiah in registered in District 3rd Division League ah a khel ṭan a, tuhin 2nd Division League ah khel thei dingin a kaitung a. 1st Division League a hung inkhel kai nawk vat beisei a um.

FAST le FC Rengkhawpui hai hi Rengkai khuo besan footballer hai inkhel tlangna club/team ṭha ve ve an nih. FC Rengkhawpui hi 2005 a kha indin a nih. Champions FAST hin lawmman in Trophy le sumfai ₹ 1 Lakh le Runner Up FC Rengkhawpui hin lawmman in sumfai ₹ 60,000/- an dawng a nih. Chun, FAST a mi Lalrintluanga (9) in Top Score 9 goals le Dr. Cornelius (17) in Man of the Match lawmman an dawng bawk. Mak danglam ve deu chu Lalrintluanga hin a Jersey no. 9 zat char Goal a score a, FAST a goalkeeper Joseph in Final chen match 7 ah goal 1 char a'n suo pal! Chu chu Pool 'E' League Round a FC Ridil le FAST inkhel April 16, 2018 ṭumin a nih. Result chu (FT) FAST 2-1 FC Ridil a nih.

Chun, FAST in sinsie tlak chanchin Manipur State Level-Hmar Martyrs' Trophy a bawk an siem pakhat nawk chu FAST 12-0 Saikot YC 'A' kha a nih. April 24, 2018 zantieng dar 3:30 PM khan FAST hin The 15th Manipur State Level-Hmar Martyrs' Trophy (football), Saikot Playground a inkhelna hun ah Full Time in FAST in Saikot YC 'A' chu 12-0 in a hne a. Chu taka Goal Scorer-hai chu hieng hai hi an nih:
1. Immanuel (16) 2.54"
2. Boigou (4) 6.26"
3. Gogocha (10) 21.59"
4. Lalrintluanga (9) 26.30"
5. Lalrintluanga (9) 27.50"
6. Gogocha (10) 36.40"
7. Immanuel (16) 44.00"
8. Samuel (23) 52.00"
9. Gogocha (10) 55.00"
10. Lalrintluanga (9) 56.00"
11. Lalrintluanga (9) 57.00"
12. Gogocha (10) 68.00"

FAST hin ISL le I-League Club/Academy a player hai chen inkhel vena Rengkai Premier League/RPL khawm Rengkai Playground ah 2016, 2017 le 2018 haiah a lo huoihawt tah a nih. Hmatieng a khawm fooball tienga hmasawnna le football inkhelmi hai fakhmuna thei ding dappui bakah khawtlang le mipui sawr ding thil ṭha tam tak thaw a tum a nih. Chu ding chun hma a lak mek.

-lrs_puruolte@may16hmd
Don't Miss
© all rights reserved
made with by Simon L Infimate