HMAR MARTYRS’ DAY THUCHA
New Delhi
Thlaphur (May) 16, 2018
Pathien ruot ang ngeiin Hmar hnam a lo pieng a. Hmar hnam a pienga inthawka vawisûn chena Hmar hnam damna le hmasawnna dinga hmalâkna le inzawma Hmarnau hringna lo chân ta hai po po thlarau kuomah inzâna salâm ei pek a. An hringna hlu tak hnam damna dinga an lo chân ta kha ropui ei ti takzet a nih.
Vawisun May ni 16, 2018, Hmar Martyrs’ Day ni a hin, a tharin, hnam damna dinga hringna lo chân ta hai po po an thla muong takin chawl sien, anni ei hrietzingna le inzâna ruok chu tuta inthawka ṭhang la hung thar pei ding hun chenin chuoi naw raw seh. An sung le kuo laina hai po po khawm a thar takin Pathienin umpui sien ei nuom takzet.
Vawisuna dama la um Hmarnau po povin hringna hlu tak chânhai hniekhnung zuiin; mimal intheidâna hai, hnam diriem, unau sietna ding rêl, pawl le pawl insiema hringna lâk, mani mimal hlawkna hnawt leia hnam tadinga thil ṭhalo rêl le mani umna khawtlang tadinga harsatna siem hai thaw lovin, ei hnam tadinga ei theina zawn sengah hnam tadinga ke pên dingin ei inngen a nih.
Hmar hnam damin lien pei raw seh.

(Lalhmingthang Songate) (Darsuothang)
Secretary, DHWA Chairman, DHWA
