Guwahati, May 08, 2018, Virthli (ONP): Zani (may 07, 2018) Khan Shri. Rajendra Agarwal, MP Chairna hnuoia Guwahati hmunah, Citizenship Amendment Bill 2016 thu le inzawmin Joint Parliamentary Committee chun organization dang dang hai kokhawm in an ngaidan hai an lakkhawm. Hi huna hin mi pawimaw tak tak MP 15 party dang dang, Central le Assam sawrkar tienga Home Dept. le hi bill chungthua lungawilo student inzawmkhawm All Assam Students Union, Students Organization 26 lai an thanga, hienghai lai hin North Cachar Hills Indigenous Students' Forum (NCHISF) khawm an ṭhang. NCHISF hi Sixth schedule area a Tribal aiaw a ṭhang an ni a, palaiin a hnuoia hai hi an ṭhang,
1. David Keivom, President ISF
2. John Mark Pena, President HSA
3. Miteu Zeme, President ZSU
4. LamminJao Thangew, KSO(A) Vice President.
5. Robin Teron, President Karbi Students Association
6. Lalropui Hmar, Public Relation Secretary NCHISF HQ.
Assam Accord 15th August 1985 a MOU sign a lo um tah Central, Assam Government le AASU haiin 25th March 1971 hnunga Assam rama rambung danga inthawka hung lut hrim hrim ieng ang sakhuona zuitu khawm ni hai sien, an hungna rambung a thawn kir nawk vawng dinga a lo ti tah angin, AASU le Assam rama 26 Indigenous Students'Organization dang dang hai chun ramdang mihai chu an ram bawk a kir nawk ding ti chu an lo khek pui a nih.
Citizenship Amendment Bill 2016 hin Assam Accord a 1971 hnunga hung lût hai po an hungna ram/khuo a hai thawn kir dinga ti ani lai zingin tuta Amendment Bill ruok hin chu Muslim ṭhang loin Bengali Hindu hai abiktak in Bangladesh an'thawk a hung inpêmlût hai BJP sawrkarin Indian citizenship pek an tumna leia bill hi Amendment hi thaw tum a nih.
BJP sawrkar in hi Bill Amendment a thaw tumna hi Assam sûnga Political Party hai po po BJP thang lo le Student Organisation le NGO tamtak hai chun hi Bill hi Amendment thaw lo dingin nasatakin an kal tlat a nih,
NCHISF President Tv. David Keivom chun 'hi Bill chungthu a hin Hills Area student inzawmkhawm hai chun nasatakin kan kal a, hi le inzawm hin AASU le 26 Students Organization hai le inkawp hin kum liemta khan Agitation programme khawm kan lo nei tah a, a ṭul chun la nei nawk pei kan tih'', tiin a thuhrilna a chun a hril. Assam ram a hin hieng Hmar, Kuki, Zeme, Biate, Vaiphei, Hrangkhawl, Karbi, Khasi le Rongmei hai hi OI (Original Inhabitant) Assam ram mi tak tak a pawm anni leiin NRC Chungthu a khawm harsatna an tuok tlawm a bik a nih.
1. David Keivom, President ISF
2. John Mark Pena, President HSA
3. Miteu Zeme, President ZSU
4. LamminJao Thangew, KSO(A) Vice President.
5. Robin Teron, President Karbi Students Association
6. Lalropui Hmar, Public Relation Secretary NCHISF HQ.
Assam Accord 15th August 1985 a MOU sign a lo um tah Central, Assam Government le AASU haiin 25th March 1971 hnunga Assam rama rambung danga inthawka hung lut hrim hrim ieng ang sakhuona zuitu khawm ni hai sien, an hungna rambung a thawn kir nawk vawng dinga a lo ti tah angin, AASU le Assam rama 26 Indigenous Students'Organization dang dang hai chun ramdang mihai chu an ram bawk a kir nawk ding ti chu an lo khek pui a nih.
Citizenship Amendment Bill 2016 hin Assam Accord a 1971 hnunga hung lût hai po an hungna ram/khuo a hai thawn kir dinga ti ani lai zingin tuta Amendment Bill ruok hin chu Muslim ṭhang loin Bengali Hindu hai abiktak in Bangladesh an'thawk a hung inpêmlût hai BJP sawrkarin Indian citizenship pek an tumna leia bill hi Amendment hi thaw tum a nih.
BJP sawrkar in hi Bill Amendment a thaw tumna hi Assam sûnga Political Party hai po po BJP thang lo le Student Organisation le NGO tamtak hai chun hi Bill hi Amendment thaw lo dingin nasatakin an kal tlat a nih,
NCHISF President Tv. David Keivom chun 'hi Bill chungthu a hin Hills Area student inzawmkhawm hai chun nasatakin kan kal a, hi le inzawm hin AASU le 26 Students Organization hai le inkawp hin kum liemta khan Agitation programme khawm kan lo nei tah a, a ṭul chun la nei nawk pei kan tih'', tiin a thuhrilna a chun a hril. Assam ram a hin hieng Hmar, Kuki, Zeme, Biate, Vaiphei, Hrangkhawl, Karbi, Khasi le Rongmei hai hi OI (Original Inhabitant) Assam ram mi tak tak a pawm anni leiin NRC Chungthu a khawm harsatna an tuok tlawm a bik a nih.
